“Aždarhany nädip eldekileşdirmeli” filminiň täze treýleri çykdy

  • 09.05.2025 16:11
  • 4.9k+

“Aždarhany nädip eldekileşdirmeli” (Как приручить дракона) remeýkiniň 12-nji iýuna meýilleşdirilen premýerasyna bir aý galanda taslamanyň täze IMAX treýleri çykdy. Ol 2010-njy ýylyň asyl multfilminden muşdaklara tanyş bolan esasy pursatlary açyp görkezýär.

Režissýor Din DeBlua wakany täzeçe düşündirmek üçin franşiza gaýdyp geldi. Jerard Batler ýene-de serdar Stoik Äpediň keşbini ýerine ýetirdi.
Treýler Ikingiň (Hiccup) aždarha Dişsiz (Gijeki Furiýa) bilen ilkinji duşuşygyny, olaryň kem-kemden ýüze çykýan dostlugyny we tolgundyryjy ilkinji uçuşy görkezýär.
Treýlerde Dişsiz ilkibaşda Ikinge hüşgär garaýar, ýöne tiz wagtdan olaryň arasynda gatnaşyk gurulýar. Tomaşaçylar Iking bilen Dişsiziň çägede surat çekişini, şeýle-de onuň döreden esbabyny ulanyp, uçuşa taýýarlygy görer. Wakanyň kulminasiýasy asmandaky epiki söweş bolar.
Remeýkiň köp sahnalary asyl multfilmi gaýtalaýar, ýöne Dişsiz täzelenen, özüne çekiji keşbe eýe boldy. Sahnalaryň birinde Iking “Biziň siz barada bilýän zatlarymyzyň ählisi ýalan” diýmek bilen, oglunyň pikirlerine garşy çykýan kakasy Stoik bilen gapma-garşylygy görkezýär.
CinemaCon-da görkezilenden soňky ilkinji synlar bu remeýki öz žanrynda iň gowularyň biri diýip atlandyrýar.


düýn 18:18
1.2k+

“Lilo we Stiç” golliwud filmlerinden ilkinji bolup milliarda has golaýlady

Disney studiýasynyň “Lilo we Stiç” remeýki ýedi hepdäniň dowamynda 994,2 mln dollar ýygnady. Häzirki dinamikany göz öňünde tutsaň, “Lilo we Stiç” Hytaýyň “Neçža 2” animasiýasyndan soň, 1 mlrd dollardan geçjek ilkinji film bolup biler diýip, The Wrap neşiri habar berýär...

düýn 11:01
2.8k+

Gaý Riçi “Ýoldaky jaý” filminiň dowamyny düşürmekden ýüz öwürdi

Gaý Riçi “Ýoldaky jaý” (Дом у дороги) uruşly filminiň dowamyny düşürmez. Režissýoryň gitmeginiň sebäbi görkezilmeýär diýip, Variety ýazýar. Riçi şu ýylyň ýazynda filmiň dowamynyň üstünde işlemäge goşulypdy. Filmde Jeýk Jillenhol we Deýw Batista oýnar...

11.07.2025 19:19
5.4k+

“Muzeýdäki gije” komediýasy täze wakalar we gahrymanlar bilen täzeden düşüriler

20th Century studiýasy meşhur “Muzeýdäki gije” (Ночь в музее) franşizasyny täzeden başlamagyň üstünde işleýär. Täze komediýanyň çykjak senesi heniz belli däl diýip, Variety ýazýar. Sýužet hem gizlin saklanýar, ýöne wakanyň gije eksponatlaryň janlanýan şol bir muzeýinde bolup geçjekdigi belli...

11.07.2025 14:42
4.2k+

Jeýms Gannyň “Supermen” filmi dünýä prokatyna çykdy

11-nji iýuldan dünýä kinoteatrlarynda Jeýms Gannyň “Supermen” filmi görkezilip başlandy. Bu režissýoryň gözegçilik etmegindäki täzelenen DC kinoäleminiň ilkinji filmidir. Film Klark Kentiň ýaşlygy we onuň gahryman hökmünde kemala gelşi barada gürrüň berýär...