Lamborghini Rotterdam diler merkezinde aýratyn Lamborghini Revuelto satuwa çykaryldy. Awtomobil müşderilere üýtgeşik reňkleri, materiallary we bezegi saýlamaga mümkinçilik berýän Ad Personam programmasy boýunça döredildi.
Sportkaryň kuzowy köptaraply Verde Agave boýagy bilen örtüldi. Ol syn ediş burçuna görä reňkini üýtgedip, benewşe, gök, sary öwüsýär. Şeýle boýag awtoöndürijilerde seýrek duş gelýär.
Boýagy goramak üçin ulagyň ilkinji eýesi kuzowa dury plýonka ýelmäpdir. Awtomobil 20 we 21 dýuýmlyk gara diskler, karbon bezeg elementleri we gara nyşanlar bilen üpjün edildi. Salonda Verde Fauns reňkli howpsuzlyk kemerleri, konsollarda, panellerde, gapylarda we oturgyçlarda bolsa laým-ýaşyl bezegler bar.
Lamborghini Revuelto iki ýyl mundan ozal hödürlendi. Ol 6,5 litrlik V12 hereketlendirijisi we üç elektrik hereketlendirijisi bilen enjamlaşdyryldy. Umumy kuwwat 1015 at güýjüne ýetýär. Superkar tizligini 100 km/sag çenli 2,5 sekuntda artdyrýar, onuň iň ýokary tizligi bolsa sagatda 350 kilometrden geçýär.
Awtomobiliň bahasy tutuş emläge barabar – 859 950 ýewro (972 müň dollardan gowrak).
