Lamborghini markasy öz taryhyndaky iň kuwwatly açyk awtomobili bolan täze Fenomeno rodsterini tanyşdyrdy. Modeliň gibrid güýç gurluşy 1080 at güýjüni öndürýär. Kompaniýa bu awtomobilden diňe 15 nusga çykarmagy meýilleşdirýär.
Fenomeno Roadster Lamborghini Revuelto-yň platformasynda gurlupdyr. Kuzowyň esasy reňki gök bolup, bu 1968-nji ýylyň Miura Roadster modeline yşaratdyr. Gyzyl elementler bolsa Bolonýa şäheriniň däp bolan reňkiniň şanyna ýerine ýetirildi.
Öňki aýnanyň çarçuwasyna howa akymyny hereketlendirijiä gönükdirýän karbon spoýler gurnalypdyr.
Oturgyçlaryň arkasynda bolsa awtomobil agdarylan ýagdaýynda sürüjini we ýolagçyny goramak üçin niýetlenen iki sany karbon elementi ýerleşdirilendir.
Gapdal aýnalary özboluşly görnüşde bolup, olar merkezde daralýar. Şeýle dizaýn çözgüdi ozal 2013-nji ýylyň Veneno rodsterinde ulanylypdyr.
Awtomobil 835 at güýjüne eýe bolan atmosfera V12 hereketlendirijisi we oňa goşmaça 245 at güýjüni berýän üç sany elektromotor bilen enjamlaşdyrylandyr. 7 kWt·sag kuwwatlylygyndaky batareýa diňe elektrik režiminde 20 kilometre çenli ýol geçmäge mümkinçilik berýär.
Ulag 0-dan 100 km/sag tizlige 2,4 sekuntda çykýar. 0-dan 200 km/sag tizlige çykmak üçin 6,8 sekunt gerek.
Maksimal tizligi: 340 km/sag.
