“Ýura eýýamynyň dünýäsi: Hökmürowanlyk” (Мир Юрского периода: Господство) filmi kinematograf taryhynda iň gymmat film boldy. Universal-yň Beýik Britaniýadaky salgyt resminamalaryna laýyklykda, filmiň önümçiligi 584 mln dollara (453 mln funt) düşdi. Bu barada Forbes we Guardian habar berýär.
Deňeşdirmek üçin, “Ýyldyz söweşleri: Güýjüň oýanmagy” (Звездные войны: Пробуждение силы) filminiň býujeti 450 mln funt boldy.
Bellenilişi ýaly, çykdajylaryň ýokary bolmagy COVID-19 pandemiýasy bilen baglanyşyklydyr. Karantin sebäpli surata düşüriji topar, şol sanda aktýorlar bäş aýlap kaşaň Langley myhmanhanasynda ýaşamaly boldy. Franşizanyň soňky iki filmi üçin umumy çykdajy 1,1 mlrd dollar boldy. Filmiň dowamy-da Beýik Britaniýada düşürildi.
Şol bir wagtyň özünde, film täjirçilik taýdan üstünlikli boldy. Ol prokatda 1 mlrd dollardan gowrak girdeji gazandy. 115 mln dollar möçberdäki salgyt ýeňillikleri netijesinde studiýanyň ahyrky çykdajylary 473 mln dollar boldy. Deadline neşiriniň maglumatlaryna görä, Universal-yň arassa girdejisi 229 mln dollara ýetdi, bu bolsa 2022-nji ýylda altynjy ýokary görkezijidir.
2025-nji ýylda franşizanyň täze – “Ýura eýýamynyň dünýäsi: Galkynyş” (Мир Юрского периода: Возрождение) filminiň çykmagyna garaşylýar.
