NASA-nyň howa şary 17 günde dünýäniň daşyndan aýlandy

  • 08.05.2025 12:26
  • 3.9k+

Täze Zelandiýanyň Wanaka şäherinden asmana uçurylan NASA-nyň futbol meýdançasy ýaly ululykdaky howa şary 17 gün 13 sagat 47 minudyň dowamynda, dünýäniň daşyndan doly aýlanyp, ilkinji uçuşyny üstünlikli tamamlady. Bu hadysa NASA-nyň Günorta ýarymşaryň orta giňişliklerinde geçiren synag maksatnamasynyň möhüm bölegi boldy.

Uçuş 4-nji maýda ABŞ-da gündogar wagty bilen 7:46-da tamamlandy. Şonda aerostat Ýuwaş ummanynda Täze Zelandiýadan 813 km gündogarda suwa düşdi.
Wirjiniýa ştatynda (ABŞ) ýerleşýän Uollops adyndaky Kosmos uçuş merkezindäki (WFF) ylmy howa şarlarynyň işini dolandyrmak boýunça NASA-nyň maksatnamasynyň ýolbaşçysy Gabriel Gard bu üstünlikli uçuşyň arkasynda duran toparyň tejribesine we yhlasyna buýsanýandygyny aýtdy. Howa şary hem-de onuň bilen uçurylan ylmy enjamlar synag döwründe dogry işledi.

Ylmy maksatlar ýerine ýetirilen hem bolsa, şaryň içinde ownuk syzmalaryň bardygy ýüze çykaryldy. Gündizlerine uçuş wagty beýiklik saklansa-da, gijelerine, esasan-da sowuk sebitleriň üstünden uçanda, beýiklik peseldi. Şaryň durnuklylygyny saklamak üçin, goşmaça agramlardan (ballastlardan) doly peýdalanyldy.
NASA şaryň ýagdaýyna gözegçiligi dowam etdirýär. Geljekki uçuşy bäş gün soň, Günorta Amerikanyň üstünden geçirmek meýilleşdirilýär.
Bu howa şary ýokary basyşly we 532 müň kub metr göwrümli bolup, gündiz-gije temperaturasy üýtgese-de, şol bir beýiklikde uçup bilýär.

Uçuşyň esasy maksady ýokary basyşly howa şarlarynyň tehnologiýasyny synagdan geçirmek we tassyklamak bolsa-da, bu şar bilen bilelikde NASA-nyň Kolorado ştatynyň Boulder şäherindäki Milli atmosfera gözleg merkeziniň Belentlik obserwatoriýasy tarapyndan işlenip düzülen, ýokary takyklyk bilen ýeliň tizligini ölçemäge ýardam berýän HIWIND enjamy hem daşalýar. HIWIND enjamy Ýeriň termosferasyndaky ýeliň tizligini ölçeýär, bu bolsa alymlara ionosferadaky üýtgeşmeleri çaklamaga ýardam berýär.


düýn 10:48
3k+

B.e. öňki 355-nji ýylyň hytaý ýyldyzlar kartasy iň irki asman atlasy diýlip ykrar edildi

Hytaýyň Milli astronomiýa obserwatoriýasynyň halkara alymlar topary gadymy hytaý resminamasy “Ussat Şiniň ýyldyz gollanmasyny” öwrenip, munuň ýyldyzly asmanyň iň irki atlasydygy baradaky netijä geldi. Täze maglumatlara görä, karta biziň eýýamymyzdan öň, takmynan, 355-nji ýylda döredilipdir...

19.05.2025 17:55
3.1k+

Astronomlar ilkinji gezek Ýerden 155 ýagtylyk ýyly uzaklykda kristallaşan suw buzuny tapdylar

Astronomlar onlarça ýyl bäri doňan suwuň diňe bir Gün ulgamynda däl, eýsem onuň daşyndaky ýerlerde hem bolup biljekdigini çaklap gelýärdiler. Indi bolsa «Jeýms Uebb» teleskobynyň kömegi bilen ilkinji gös-göni subutnama alyndy – kristallaşan suw buzy «HD 181327» atly ýyldyzyň daşyndaky galyndy diskinde ýüze çykaryldy...

19.05.2025 17:52
1.3k+

«Intuitive Machines» kompaniýasy «Athena» aý modulynyň ýykylmagynyň üç sebäbini düşündirdi

ABŞ-nyň «Intuitive Machines» kompaniýasy tarapyndan işlenip düzülen «Athena» (Afina) aý moduly 2025-nji ýylyň 6-njy martynda Aýa gonjak bolanda, tehniki näsazlyklar sebäpli, ýykylypdy. Kompaniýanyň baş direktory Stiw Altemus başa barmadyk synanyşygyň sebäplerini düşündirdi...

17.05.2025 19:40
3.6k+

NASA 20 ýyldan gowrak ozal öçürilen “Woýajer-1” zondunyň hereketlendirijilerini işletmegi başardy

NASA-nyň inženerlerine 20 ýyldan gowrak wagt ozal öçürilen we häzire çenli düzedip bolmaýan hasaplanan “Woýajer-1” zondunyň ugrukdyryjy hereketlendirijileriniň işini dikeltmek başartdy. 2002-nji ýylda gyzdyryjylaryň öçürilmegi sebäpli olaryň işinde bökdençlik ýüze çykdy diýlip hasaplanypdy...