Lionsgate kinokompaniýasy Nýu-Ýork şäherini agressiw alakalaryň basyp alşyny beýan edýän täze horror filmiň üstünde işleýär. Bu barada «Deadline» neşiri habar berýär.
Filme häzirlikçe at dakylmady, onuň režissýory ozal «The Final Girls» atly horror filme hem-de «The Inbetweeners» serialynyň birnäçe bölümine režissýorlyk eden Todd Ştraus-Şulson bolar.
Nýu-Ýork köpden bäri köp alakaly şäher hökmünde tanalýar. Şäherde dilden-dile geçýän rowaýata görä, her bir ýaşaýjynyň paýyna bäş alaka düşýärmiş. Alakalaryň umumy sany baradaky çaklamalar 2 milliondan 10 million aralygynda üýtgeýär. 2023-nji ýylda alaka hatda şäheriň «We Love New York» atly kampaniýasynyň nyşanyna öwrüldi. Onuň şekili dürli sowgatlyk harytlarda peýda boldy.
2024-nji ýylyň maýynda Nýu-Ýorkyň şäher häkimi alakalar bilen baglanyşykly meselelere bagyşlanan milli maslahat geçirdi. Şol ýylyň oktýabrynda bolsa, şäher ýolbaşçylary haýwanlaryň sanyny gözegçilikde saklamak üçin, gormonal serişdeler goşulan aldawaçlyk iýmleriň ulanylmagyna rugsat berdi.
