«The Wall Street Journal» neşiri Marvel Studios-nyň häzirki ýagdaýy barada makala çap etdi. Makalada Marvel-iň ýolbaşçysy Kewin Faýgi tomaşaçylaryň studiýanyň filmlerine bolan gyzyklanmasynyň peselendigini boýun aldy we muny mazmunyň aşa köpelmegi bilen baglanyşdyrdy.
Onuň sözlerine görä, studiýa biri-biri bilen baglanyşykly örän köp film we serial çykardy. Şol bir kinoälemde mazmunyň şeýle köp bolmagy, tomaşaçylaryň bir böleginiň irmegine sebäp boldy. Bu ýagdaý kompaniýanyň serişdelerine-de täsir etdi: taslamalaryň hil derejesi peseldi.
Häzirki wagtda Faýgi studiýany täzeden gurmak işlerini alyp barýar, maksady bolsa tomaşaçylaryň gyzyklanmasyny gaýtadan gazanmak. Makalada bellenilmegine görä, studiýa täze çykan filmleriň kassadaky şowsuzlygynyň yzýany strategiýasyny täzeden gözden geçirer we geljekki filmleriň sanawyna üýtgeşmeler girizer.
Marvel-iň soňky filmi «Gök gürledijiler*» (Thunderbolts*) geçen hepde prokata çykdy we başyny gowy başlady. Filme gowy baha berildi: Rotten Tomatoes maglumatlaryna görä, tankytçylaryň «täzelik» reýtingi 88%, tomaşaçylaryňky bolsa 95% boldy.
