Braziliýanyň Milli saglygy goraýyş gözegçilik edarasy ýurtda «Colgate Total Clean Mint» diş pastasynyň satuwyny täzeden gadagan etdi.
2025-nji ýylyň başynda Braziliýadaky ulanyjylar sosial torlarda bu diş pastasy bilen baglanyşykly köpsanly nägilelikleri bildirip başladylar. Olar pastany ulananlaryndan soň, agyzlarynda gyjyndyryjy ýagdaýlaryň – ýanmanyň, diş etleriniň çişmegi we agyryly ýaralaryň ýüze çykandygyny aýtdylar. Käbir ýagdaýlarda adamlar lukmançylyk kömegine-de mätäç bolupdyrlar.
27-nji martda gözegçilik edarasy bu önümiň satuwyna we ulanylmagyna wagtlaýyn gadaganlyk girizdi. Bu gadaganlyk şikaýatlaryň sebäplerini anyklamak boýunça derňew tamamlanýança güýjünde galmalydy.
«Colgate» kompaniýasy kazyýete ýüz tutup, gadaganlygyň wagtlaýyn ýatyrylmagyny gazandy. Emma aprel aýynyň ahyrynda kompaniýa öz şikaýatyndan el çekdi. Bu kararyň sebäpleri mälim edilmeýär.
Şikaýat yzyna çekilensoň, gadaganlyk karary täzeden güýje girdi.
