Garri Potter baradaky filmlerde Drako Malfoýyň keşbi bilen tanalýan aktýor Tom Felton ýazyjy Joan Roulingiň kitaplaryna esaslanýan täze serialyň döredijilik geňeşçisi boldy. Bu barada CBR habar berýär.
Ol döredijilik geňeşçisi hökmünde HBO-nyň taslamasyna gatnaşar. Ýöne ekranda Felton peýda bolmasa gerek.
Şeýle-de bolsa, bu habar filmiň muşdaklarynyň arasynda işjeň pikir alyşmalara getirdi. Käbirleri aktýoryň serialda kameo alyp biljekdigini ýa-da özüniň öňki personažynyň kakasy – Lýusius Malfoýy oýnap biljekdigini çaklady.
Häzirki wagtda serialyň önümçiligi dowam edýär. Ýatlap geçsek, ýakynda birnäçe esasy keşpleri ýerine ýetirjek aktýorlaryň atlary belli boldy. Ýöne häzirlikçe baş gahrymanlar bolan Garri Potteri, Ron Uizlini we Germiona Greýnjeri kimiň oýnajakdygy habar berilmeýär. “Altyn üçlügiň” kastingi heniz tamamlanmady.
Serialyň premýerasy 2026-njy ýyla meýilleşdirilýär.
