Raýan Reýnolds Dedpul we X adamlar barada täze filmiň üstünde işleýär

  • 05.05.2025 14:51
  • 1.7k+

Aktýor Raýan Reýnolds Dedpuly X adamlar bilen birleşdirjek täze filmiň ssenarisiniň üstünde işleýär. Bu barada The Hollywood Reporter portaly habar berýär.

Taslama heniz ssenariniň tamamlanmandygy üçin Marvel Studios-a hödürlenmedi.
Film “Dedpul we Rosomahanyň” dowamy ýa-da “Dedpul 4” bolmaz. Reýnolds Dedpuly baş gahryman däl-de, ikinji derejeli gahryman etmegi göz öňünde tutýar. Sýužetiň merkezinde X adamlar toparynyň beýleki agzalary bolar.
Şeýle-de, aktýoryň Gambitiň keşbine Çenning Tatumy ýa-da Rosomahanyň keşbine Hýu Jekmany gaýtaryp getirmek isleýändigi habar berilýär.
Öň, Reýnolds Dedpul barada aýratyn filmi düşürmek zerurlygynyň ýokdugyny aýdypdy. Şeýle-de, ol Dedpulyň diňe wakanyň ahyrynda topara goşuljakdygyny belledi.


düýn 21:08
1.2k+

Kwentin Tarantino "Açlyk oýunlarynyň" döredijilerini plagiatda aýyplady

Režissýor Kwentin Tarantino "Açlyk oýunlary" (The Hunger Games) franşizasynyň 1999-njy ýylda çykan "Şa söweşi" (Battle Royale) atly ýapon romanyndan we onuň film adaptasiýasyndan göçürilip alnandygyny (plagiatdygyny) öňe sürdi diýip, "The Hollywood Reporter" neşiri habar berýär...

29.11.2025 11:02
7.4k+

«Kompozitor» atly türkmen filmi «Göwher kebelek» atly Açyk Ýewraziýa kinobaýragyna mynasyp boldy

Türkmen kinoçylarynyň surata düşüren «Kompozitor» atly çeper filmi «Göwher kebelek» atly Açyk Ýewraziýa kinobaýragynyň ilkinji gowşurylyş dabarasynda «Iň gowy suratçy» ugrunda iň gowusy diýlip ykrar edildi. Dabara 27-nji noýabrda Moskwada, russiýaly režissýor Nikita Mihalkowyň «Ussahana 12» diýen ýerinde geçirildi diýip, "Türkmenistan: Altyn asyr" neşiri habar berýär...

29.11.2025 09:20
1.9k+

Jeýms Kemeron Netflix-iň filmleriniň “Oskar” baýragyna dalaş etmegine garşy çykdy

Režissýor Jeýms Kemeron Netflix-iň filmleriniň «Oskar» baýragyna gatnaşmaly däldigini aýtdy. Ol öz pikiri bilen «The Town with Matt Belloni» podkastynda paýlaşdy. «Awatar» we «Titanik» filmleriniň režissýory Netflix-iň filmleri diňe akademiýanyň düzgünlerine laýyk gelmek üçin gysga möhletleýin çäkli kinoprokata goýbermek tejribesini tankytlady...

29.11.2025 09:06
4.6k+

Paramount Jeki Çanyň we Kris Takeriň gatnaşmagynda «Dykyn wagty 4» filmini çykarar

Paramount studiýasy komediýa görnüşli «Dykyn wagty» («Час пик») uruşly filminiň dördünji bölümini çykarmak barada şertnama baglaşdy. Täze filmiň režissýory franşizanyň öňki bölümleriniň ählisini düşüren Brett Retner bolar...