Hindistanda hakyky pilleriň deregine robotlaşdyrylan piller ulanylyp başlandy

  • 02.05.2025 15:45
  • 8.2k+

Hindistanyň Kerala ştatynda dini däp-dessurlarda robotlaşdyrylan piller ulanylyp başlandy. Aýna süýümden we rezinden ýasalan metal karkasly bu mehaniki jandarlar hakyky pilleriň hereketlerini we sesini gaýtalap bilýär diýip, Goodnet habar berýär.

Bu taslamany 2023-nji ýyldan bäri şeýle robotlaryň ondan gowrak modelini döretmek üçin serişde bölüp beren PETA India guramasy öňe sürdi. Robot piller hakyky pilleri ýörite goraghanalara geçirmek şerti bilen ybadathanalara berler.
Robotlaryň biri eýýäm Çakkamparambu Bhagawathi ybadathanasyna gowşuryldy. Bu ybadathananyň öňki ruhanysy däp-dessurlarda ýabany haýwanlaryň ulanylmagyna garşydygyny aýdyp, muny “düýbünden ahlaksyz” diýip atlandyrypdy.
Hindistanda 2700 töweregi pil bendilikde saklanýar we olar uly fiziki hem emosional kynçylyklary başdan geçirýär. Robotlaşdyrylan tehnologiýalaryň ornaşdyrylmagy haýwanlar bilen gatnaşyklaryň medeni hem ahlak taraplaryny göz öňünde tutup, däp-dessurlary döwrebap görnüşde saklap galmaga mümkinçilik berer.
PETA India bu çemeleşmäniň adamlar bilen pilleriň arasyndaky howply çaknyşmalaryň sanyny hem azaltjakdygyny we haýwanlaryň ýaşaýyş şertleriniň gowulanmagyna ýardam etjekdigini belledi.


21.04.2025 20:54
4.2k+

Hindi astronawty soňky 41 ýylda ilkinji gezek kosmosaz uçar

Maý aýynda Hindistan soňky kyrk ýylda ilkinji gezek öz astronawtyny Halkara kosmos stansiýasyna iberer. Bu milli ekipažly maksatnamany ösdürmekde möhüm ädim bolar. Hindi kosmos gözlegleri guramasy (ISRO) öz raýatynyň Axiom Space Ax-4 missiýasyna gatnaşmagyny tassyklady...

18.04.2025 12:01
4.1k+

Hindistanda we Bangladeşde bengal Täze ýyly – 1432-nji ýylyň başlanmagy bellenildi

Hindistanyň we Bangladeşiň ýaşaýjylary 15-nji aprelde bengal Täze ýylyny baýram etdi. Bu ýerli ýyl hasaby boýunça 1432-nji ýylyň başlanandygyny aňladýar. Grigorian senenamasy bilen tapawut, takmynan, 594 ýyla deň diýip, Times of India habar berýär...

15.04.2025 18:10
6k+

Her bäşinji iPhone Hindistanda ýygnalýar

Hindistan iPhone önümçiligini umumy möçberiň 20%-ine çenli artdyryp, geçen ýylky görkezijileri täzeledi. Bloomberg-iň maglumatlaryna görä, mart aýynda tamamlanan maliýe ýylynda Hindistanda 22 mlrd dollarlyk iPhone...

14.04.2025 13:31
2.4k+

Hindistanda iPhone öndürmek üçin täze zawod gurulýar

Apple-yň smartfon we planşet önümçiligi boýunça esasy hyzmatdaşlarynyň biri bolan Taýwanyň Foxconn Technology Group kompaniýasy Hindistanyň Bangalor şäherinde täze zawod gurýar. Bu zawod 1,2 million inedördül metr...