Sazanda Kurt Kobeýniň döwük gitarasy Tehasly kolleksionere 101,5 müň dollara satyldy. Saz guraly başda çaklanylandan has gymmat bahadan satyldy diýip, «TMZ» ýazýar.
Kobeýn bu gitarany 1992-nji ýylda "Nirvana" toparynyň Ýewropadaky konsert saparynyň dowamynda döwüpdi. Gitara şol saparyň dowamynda abatlanypdy, ýöne Kobeýn ony gaýdyp çalmandy.
Gitara auksionda uly gyzyklanma döretdi. Bäş adam jemi 11 gezek baha teklip etdi, iň pes teklip 30 müň dollardy. Saz guralynyň hakykylygyny Nirvana bilen işleşen tehnik Uly Jon Dunkan tassyklady.
Kurt Kobeýniň beýleki bir döwük gitarasy bolsa 2023-nji ýylda, takmynan, 600 müň dollara satylypdy. Sazanda ony «Nevermind döwründe» döwüpdi. Ol soňy bilen gaýtadan ýygnalsa-da, çalmaga ýaramly däldi. Şeýle-de gitaranyň üstünde Nirvana toparynyň üç agzasynyň hem goly bardy.
