Fransua Ozon Albert Kamýunyň “Saýry” romanyny ekranlaşdyrýar

  • 30.04.2025 13:06
  • 719

“8 zenan” (“8 женщин”) we “Öýde” (“В доме”) filmleri bilen tanalýan fransuz režissýory Fransua Ozon Albert Kamýunyň “Saýry” romanyny ekranlaşdyrýar. Bu barada Screen Daily habar berdi.

Film Gaumont studiýasy tarapyndan çykarylar. Filmde keşpleri Benžamen Wuazen (“85–iň  tomsy”, “Gitdik!” (“Лето 85-го”, “Поехали!”)), Rebekka Marder (“Meniň jenaýatym”, “Gaýtalanýan durmuş” (“Мое преступление”, “Жизнь на повторе”)), Swann Arlo (“Ýykylmagyň anatomiýasy”, “Taňrynyň merhemeti bilen” (“Анатомия падения”, “По воле божьей”)) we Deni Lawan (“Meniň kiçijik melikäm” (“Моя маленькая принцесса”)) ýerine ýetirýär.
Wuazen 1930-njy ýyllarda Alžirde ýaşan fransuz Mersonyň keşbini janlandyrar. Gahrymanyň biperwaýlygy we töweregindäki dünýä biparhlygy sowukganlylyk bilen edilen ganhorluk we jenaýaty derňeýän, şonuň bilen birlikde Mersonyň şahsyýetini hem öwrenýän kazyýet işi bilen tamamlanýar.
“Saýry” filminiň uýgunlaşmagy fransuz dilinde bolar. Film Marokkoda surata düşüriler we bu iş eýýäm başlandy. Filmi 2026-njy ýylda kinoteatrlarda görkezmek meýilleşdirilýär.

"Filme wagta dahylsyzlygy, nusgawy ölçegi bermek üçin janly, ekspressionistik gapma-garşylyklary ulanyp, akdyr gara reňkler bilen işläris" – diýip, kinematografiýaçy wada berdi.

Albert Kamýu fransuz pelsepeçisi we ýazyjysy, 1957-nji ýylda edebiýat boýunça Nobel baýragynyň eýesi boldy. 1942-nji ýylda ilkinji gezek "Saýry" romanyny hödürledi. Kitap fransuz edebiýatynyň iň meşhur eserleriniň birine öwrüldi. Ol takmynan dünýäniň 75 diline, şol sanda türkmen diline terjime edildi.


şu gün 14:52
1.1k+

Bred Pitt we Hawýer Bardem bilen “F1” filminiň täze treýleri çykdy

Apple TV YouTube kanalynda režissýor Jozef Kosinski tarapyndan düşürilen “F1” sport dramasynyň ikinji treýleri peýda boldy. Filmde baş keşpleri Bred Pitt we Hawýer Bardem ýerine ýetirdi. Film 25-nji iýunda dünýä prokatyna çykar...

düýn 19:28
2.5k+

Prime Video Nikolas Keýj bilen “Möý adam: Nuar” serialynyň ilkinji tizerini görkezdi

Prime Video akym hyzmaty “Möý adam: Nuar” (Человек-паук: Нуар) serialynyň ilkinji tizerini hödürledi. Serialda baş keşbi ozal “Möý adam: Älemiň üsti bilen” (Человек-паук: Через вселенные) multfilminde bu gahrymana ses beren Nikolas Keýj ýerine ýetirdi...

düýn 14:10
1.2k+

78-nji Kann kinofestiwaly açyldy

Sişenbe güni Kann şäherinde 78-nji halkara kinofestiwaly öz işine başlady. Ol 13-nji maýdan 24-nji maý aralygynda dowam eder. Kinofestiwalyň esasy baýragy – “Altyn palma şahasy” eýýäm festiwalyň rezidensiýasyna eltildi...

düýn 10:47
1.4k+

BAFTA TV baýragynyň ýeňijileri yglan edildi: “Sýogun”, “Gök çyralar” we “Jenap Beýts vs. poçta bölümi”

Londonda 2024-nji ýylyň BAFTA TV baýragynyň gowşurylyş dabarasy geçirildi. Britan akademiýasy iň gowy seriallary we aktýorlyk işlerini belledi diýip, Deadline habar berýär. Şeýlelikde, “Gök çyralar” iň gowy drama serialy boldy...