Nissan taryhyndaky iň uly zyýan barada hasabat berdi. Mart aýynda tamamlanan maliýe ýylynyň netijelerine görä, Nissan-yň arassa zyýanynyň mukdary 700-750 mlrd ýena (4,91-5,26 mlrd dollar) bolupdyr. Bu görkeziji işini halas etmek üçin giň gerimli we düýpli özgertmeleri geçirýän öndüriji üçin rekord boldy diýip, «Reuters» agentligi habar berýär.
Nissan-yň Demirgazyk Amerikadaky, Latyn Amerikasyndaky, Ýewropadaky we Ýaponiýadaky aktiwleriniň bahasy 500 mlrd ýenadan hem köräk pese düşdi. Şeýle-de bolsa, kämilleşdirmelere harçlanýan çykdajylar ýagdaýy has hem agyrlaşdyrýar, olaryň möçberi eýýäm 60 mlrd ýenadan geçdi.
Täze baş direktor Iwan Espinosa maliýe kynçylyklaryny başdan geçirýän awtoägirdi halas etmek üçin tagalla edýär. Iş orunlary azaldylýar, önümçiligiň tizligi peseldilýär we kärhanalar ýapylýar.
Mart aýynda Nissan daşardan maýa goýulmazdan işini dowam etdirip bilmejekdigini resmi taýdan mälim edipdi. Honda bilen birleşmek boýunça geçirilen gepleşikler netijesiz boldy, sebäbi Nissan Honda-nyň golçur kompaniýasyna öwrülmek islemändi.
Honda bolsa, Makoto Uçidanyň baş direktor wezipesinden çekilmek şerti bilen, hyzmatdaşlyk mümkinçiliklerini ara alyp maslahatlaşmaga taýýardygyny bildiripdi. Emma Uçidanyň meýletin çekilmeginden soň, gepleşikleriň täze tapgyry hiç hili barada habar berilmedi.
