2026-njy ýylyň “Oskar” baýragynyň gowşurylyş senesi belli boldy

  • 23.04.2025 14:53
  • 5.7k+
2026-njy ýylyň “Oskar” baýragynyň gowşurylyş senesi belli boldy

Amerikan kinematografiýa sungaty we ylymlar akademiýasy indiki “Oskar” baýragynyň gowşurylyş senesini yglan etdi. Ol 2026-njy ýylyň 15-nji martynda geçiriler.

“Öz senenamaňyza belläň! 98-nji “Oskar” baýragynyň gowşurylyş dabarasy 2026-njy ýylyň 15-nji martynda, ýekşenbe güni geçer. Nominasiýalar 2026-njy ýylyň 22-nji ýanwarynda, penşenbe güni yglan ediler” – diýlip, akademiýanyň X sosial ulgamyndaky habarynda aýdylýar.

Şu ýyl ýeňijiler 2-nji martda yglan edildi. Ýylyň iň esasy ýeňijisi Şon Beýkeriň “Anora” filmi boldy. Ol “Iň gowy film”, “Iň gowy režissýor”, “Iň gowy aktrisa”, “Iň gowy ssenariý” we “Iň gowy montaž” nominasiýalarynda ýeňiş gazandy.
“Oskar” baýragy 1927-nji ýyldan bäri berilýär. 2002-nji ýyldan bäri dabara Los-Anjelesdäki Dolby teatrynda geçirilýär. Heýkel kinoplýonkaly tigirde duran gylyçly rysary şekillendirýär. 

«Ýeke özi öýde» filmindäki «Kewiniň ejesi» Ketrin O’Hara aradan çykdy
şu gün 03:56
375

«Ýeke özi öýde» filmindäki «Kewiniň ejesi» Ketrin O’Hara aradan çykdy

«Ýeke özi öýde», «Bitljus» filmleriniň we «Şitts Krik» serialynyň ýyldyzy, aktrisa Ketrin O’Hara aradan çykdy. Bu barada Variety neşiri habar berýär. 71 ýaşan O’Haranyň ölümine nämäniň sebäp bolandygy entek açyk aýdylmaýar...

Emeli aň ABŞ-nyň taryhy hakynda serial taýýarlady
şu gün 03:34
110

Emeli aň ABŞ-nyň taryhy hakynda serial taýýarlady

Internet torunda emeli aňyň kömegi bilen döredilen «On This Day… 1776» («Şu gün... 1776-njy ýyl») atly taryhy serialyň treýleri peýda boldy. Filmde ABŞ-nyň garaşsyzlyk ugrundaky göreşi barada gürrüň berilýär. Serialyň prodýuseri hökmünde «Arzuwlaryň rekwiýemi» («Реквием по мечте») we «Nuh» («Ной») filmleri bilen meşhur bolan režissýor Darren Aronofskiniň çykyş etdi...

«Täze tolkun» filmi Sezar kino baýragynyň 10 nominasiýasyny aldy
düýn 20:54
1.3k+

«Täze tolkun» filmi Sezar kino baýragynyň 10 nominasiýasyny aldy

Fransiýanyň 51-nji Sezar milli kino baýragyna dalaşgärler yglan edildi. Şu ýyl nominasiýalaryň sany boýunça Riçard Linkleýteriň «Täze tolkun» (Новая волна) komediýasy öňdebaryjy boldy. Bu film jemi on sany nominasiýada, şol sanda «Iň gowy film», «Iň gowy režissýor», «Iň gowy original ssenariý», «Iň gowy operatorlyk işi» we «Iň gowy kostýum dizaýny» ýaly kategoriýalarda baýraga dalaşgar görkezildi...

Magtymguly Pyragynyň çagalygy barada «Arzyman» ady bilen täze film düşürildi
düýn 11:52
4.9k+

Magtymguly Pyragynyň çagalygy barada «Arzyman» ady bilen täze film düşürildi

Magtymguly Pyraga bagyşlanan «Arzyman» filmi häzirki wagtda montaž tapgyryndan geçýär. Şahyryň ykbaly we mirasy baradaky täze kino eserini režissýor, ssenariçi hem-de «Mekanfilm» studiýasynyň esaslandyryjysy Çaryýar Seýidow düşürdi...