KHDR-iň Pektu dagy ÝUNESKO-nyň global geopark statusyny aldy. Bu ýurtda şeýle ykrar edilmäge mynasyp bolan ilkinji obýekt boldy diýip, CNN habar berýär.
Pektu (şeýle-de, Pektusan, Baýtouşan ýa-da Çanbaýşan hökmünde belli) Demirgazyk Koreýa bilen Hytaýyň serhetinde ýerleşýän gatlakly wulkandyr. Bu Koreý ýarym adasynda iň beýik nokat hasaplanýar. ÝUNESKO bu ýeriň tebigy özboluşlylygyny we medeni ähmiýetini belledi.
Dag Demirgazyk we Günorta Koreýanyň ýaşaýjylarynyň arasynda mukaddes hasaplanýar. Ol iki ýurduň hem milli senalarynyň tekstinde agzalýar. Pektu bilen baglanyşykly birnäçe ýerli rowaýatlar hem bar. Olaryň birine görä, bu daga asmandan ilkinji koreý döwleti Koçosony esaslandyryjy Tangun Wangomyň kakasy Hwanun düşüpdir.
Wulkan ençeme gezek işjeňlik görkezdi – uly atylmalar 1597-nji ýylda (onuň netijesinde asmana zyňlan küller Hokkaýdo adasynyň günorta böleginde tapyldy), şeýle-de 1668-nji we 1702-nji ýyllarda bolup geçdi. Soňky gezek wulkan 1903-nji ýylda atyldy (asmana daşlar we gazlar zyňyldy).
