Audi A6 sedanynyň täze neslini hödürledi. Model marka üçin rekord aerodinamika, ýeňil gibride we kämil ses ýatyryş ulgamyna eýe boldy. Ulag mart aýynda hödürlenen uniwersal A6 Avant wersiýasynyň üstüni ýetirer.
Täze A6 sedany Premium Platform Combustion platformasyna esaslanýar we köp babatda uniwersal bilen meňzeşdir. Sedan aerodinamiki garşylygyň 0,23 koeffisienti bilen tapawutlanýar – bu markanyň içinden ýandyrylýan hereketlendirijili ulaglarynyň arasynda iň gowy görkezijidir. Şeýle netijäni optimizirlenen aerodinamikanyň, kämilleşdirilen howa ýygnaýjylarynyň, bamperiň hem bagaž ýeriniň gapagynyň täze şekilleriniň we yzky diffuzoryň hasabyna gazanmak başartdy.
Awtomobil 2.0 dizel (204 at güýji) we 3.0 benzin (367 at güýji) hereketlendirijileri bilen enjamlaşdyryldy. Olaryň ikisi-de MHEV plus ýeňil gibrid ulgamyna eýe boldy. Ol ulaga pes tizlikde elektrikde hereket etmäge kömek edýär, tizlik artdyrylanda goşmaça kuwwat berýär, tormoz berlen ýagdaýynda 25 kWt çenli energiýany batareýa gaýtaryp berýär.
Esasy wersiýa 2.0 TFSI (204 at güýji) benzin hereketlendirijisi we öňdäki ýörediji bilen hödürlenýär. Galan wersiýalaryň ählisi quattro doly herekete getiriji bilen üpjün edildi. Salon 30% ümsüm boldy.
Awtoulagyň önümçiligi Nekkarzulmda ýola goýlar. Onuň bahasy 55 500 ýewrodan başlaýar. Ilkinji üpjünçiligiň 2025-nji ýylyň tomsunda bolmagyna garaşylýar.
