Motor1 neşiri 2026-njy ýylyň ahyryna çenli awtomobil bazaryna çykarylmagyna garaşylýan iň täze awtoulag modelleriniň sanawyny çap etdi. Bu sanawa dürli ugurlardaky modeller, şol sanda benzinli, gibrid hem-de doly elektrikli ulaglar girizildi.
Neşirde nygtalyşyna görä, täze Audi RS6 Avant ýylyň esasy premýeralarynyň biri bolar we bu uniwersal ulag 700 at güýjünden gowrak kuwwaty bolan gibrid hereketlendirijiler bilen enjamlaşdyrylar.
Bentley kompaniýasy Bentayga modelinden pesräk derejede durjak ykjam elektrik krossowerini taýýarlaýar, BMW bolsa Neue Klasse binýadynda doly täzelenen 3-nji seriýany, kupe görnüşli iX4 krossoverini we has uly iX5 modelini hödürlemegi meýilleşdirýär. Dodge brendi täze Charger modelinde meşhur V8 Hellcat hereketlendirijsiiniň kuwwatyny gaýtaryp getirmegi maksat edinýän bolsa, Ferrari maý aýynda özüniň ilkinji elektrikli superkary bolan Luce modelini tanyşdyrar.
Mundan başga-da, Genesis kompaniýasy elektrikli flagman GV90, Jaguar bolsa kaşaň Type 00 EV modeliniň üstünde işleýär, Mercedes-AMG bolsa 1300 at güýjünden gowrak kuwwaty bolan GT XX superkaryny döredýär.
Şeýle-de sanawa ykjam Rivian R2, Polestar 4-iň täze görnüşi we bahasy 20–30 müň dollar aralygynda satyljak Slate elektrik pikaby hem goşuldy.
Motor1 neşiri täze modelleriň şeýle köpdürlüliginiň sebäbini awtokonsernleriň bir wagtda elektrik, gibrid we adaty hereketlendiriji tehnologiýalaryny deň derejede ösdürýändigi bilen baglaýar.
