Apple TV+ platformasynda adamlary halamaýan, ýöne olary halas etmegini dowam etdirýän android barada ylmy-fantastiki serial “Killerbot” (Murderbot) çykar. Akym hyzmaty onuň treýlerini hödürledi.
Serial Marta Uellsiň “Killerbotuň gündeligi” kitaplarynyň ekranlaşdyrmasydyr. Onda baş keşbi Aleksandr Skarsgard ýerine ýetirdi. Şeýle-de, ol ýerine ýetiriji prodýuser bolup çykyş etdi. Serialyň premýerasy 2025-nji ýylyň 16-njy maýynda bolar.
Sýužet Killerbot lakamly ýarym organiki robot barada gürrüň berýär. Oňa öz howpsuzlyk ulgamyny döwmek, buýruk modulyny öçürmek we erkinlik gazanmak başartdy. Muňa garamazdan, android adamlary halamasa-da, olary gizlin goramagyny dowam etdirýär.
Taslamanyň şouranneri Krissi Haýz boldy. Synag bölüminiň režissýory hökmünde “Tagtlaryň oýnuny” we “Ýigitleri” döretmäge gatnaşan Aleks Greýwz çykyş etdi.
Serial Hýugo, Nebýula we Lokus baýraklaryna mynasyp bolan bestsellerlere esaslanýar. Umuman, seriýa dokuz kitapdan ybarat.
