10-njy aprelde Rimde “Dünýäde dialog, ynanyşmak, parahatçylyk, howpsuzlyk” atly halkara maslahat geçirildi. Maslahaty Italiýanyň Aziýa instituty bilen bilelikde Türkmenistanyň italiýadaky ilçihanasy diýip, Türkmenistanyň DIM-niň metbugat gullugy habar berýär.
Türkmenistanyň wekiliýetine daşary işler ministriniň orunbasary A.Gurbanow ýolbaşçylyk etdi.
Çäräniň dowamynda BMG-niň 2025-nji ýylyň Halkara parahatçylyk we ynanyşmak ýyly diýlip yglan edilmeginiň inklýuziw, adalatly we durnukly dünýäni gurmaga mümkinçilik berýändigi bellenildi. Şeýle hem, Türkmenistanyň başlangyjynyň ähli döwletleri dünýä tertibiniň esasy ýörelgesi hökmünde parahatçylyk we ynanyşmak pikirlerini durmuşa geçirmek üçin bilelikdäki işi başlamaga çagyryş bolup durýandygy bellenildi.
Italiýanyň daşary işler we halkara hyzmatdaşlygy ministriniň orunbasary Edmondo Çirielli Italiýanyň Merkezi Aziýa ýurtlary bilen özara bähbitli hyzmatdaşlygy ösdürmäge ygrarlydygyny nygtady.
Öz çykyşynda Türkmenistanyň daşary işler ministriniň orunbasary Türkmenistan bilen Italiýanyň arasyndaky hyzmatdaşlygyň geljeginiň uly mümkinçilikleriniň bardygyna ynam bildirdi.
