“Amal edip bolmajak tabşyryk: Soňky haklaşyk” filmi Kann film festiwalynda görkeziler. Blokbasteriň ilkinji görkezilişi 14-nji maýda bolar. Film bäsleşik programmasyndan daşgary görkeziler diýip, Variety habar berýär.
Franşizanyň sekizinji bölüminiň görkezilişine onuň ýyldyzy Tom Kruz we režissýor Kristofer MakKuori gatnaşar.
Kruz Kann film festiwalyna üçünji gezek gatnaşar. Ondan öň aktýor kino görkezilişe 1992-nji ýylda Kannda onuň gatnaşmagyndaky “Uzak ýurt” filmi görkezilende barypdy. Kruz ikinji gezek mawy kenara 2022-nji ýylda “Top Gan: Mewerik” bilen gaýdyp gelipdi.
“Amal edip bolmajak tabşyryk” seriýasynyň täze filmini döredijiler tomaşaçylara “ýatdan çykmajak kinematografiki täsirleri” wada berýär. Kruzden başga-da, filmde Heýli Etwell, Wing Reýms, Saýmon Pegg, Anžela Bassett we Isaýa Morales çykyş eder.
Film 21-nji maýda bütin dünýäde görkeziler. Paramount Pictures filmiň distribýutory hökmünde çykyş eder.
