Türkiýäniň YTB edarasynyň başlygy Abdullah Eren Türkmenistanyň ýokary okuw mekdeplerine baryp gördi

  • 09.04.2025 13:22
  • 3.6k+

8-nji aprelde Türkiýäniň Daşary ýurtlardaky türkler we garnydaş jemgyýetler edarasynyň başlygy Abdullah Ereniň ýolbaşçylygyndaky wekiliýet Aşgabada saparynyň çäklerinde birnäçe ýokary okuw mekdeplerinde duşuşyklary geçirdi.

Halkara ynsanperwer ylymlary we ösüş uniwersitetiniň ýolbaşçylary myhmana uniwersitetiň taryhy, gurluşy, amala aşyrýan halkara hyzmatdaşlygy, alyp barýan ylmy işleri barada giňişleýin gürrüň berdiler.
Öz gezegine Abdullah Eren Halkara ynsanperwer ylymlary we ösüş uniwersiteti bilen Türkiýäniň ýokary okuw mekdepleriniň arasynda degişli ugurlar boýunça hyzmatdaşlygy ýola goýmaga taýýardygyny nygtady we bu babatda diplomatik ýollaryň üsti bilen degişli işleriň amala aşyryljakdygy barada belledi.
Magtymguly adyndaky Türkmen döwlet uniwersitetiniň rektory O.Öwezsähedow bilen geçirilen duşuşygyň dowamynda özara hyzmatdaşlyk meseleleri ara alnyp maslahatlaşyldy.


Türkmenistanyň Daşary ișler ministrliginiň Halkara gatnaşyklary institutynda geçirilen duşuşykda wekiliýet türkmen diplomatiýasynyň milli mekdebiniň alyp barýan iși bilen içgin tanyşdy.
Soňra wekiliýet institutda hereket edýän Türkmen diplomatiýasynyň taryhy muzeýi, Hindi burçy, “Parahatçylyk medeniýeti” atly ÝUNESKO kluby, şeýle-de institutyň okuw studiýasyna aýlandylar.


düýn 12:33
3.7k+

Türkmenistanda ýokary okuw mekdepleri üçin sungatyň taryhy boýunça okuw kitaby

Türkmenistanda «Ylym» neşirýaty tarapyndan «Umumy sungat taryhy» okuw kitaby neşir edildi. Bu kitap ýokary okuw mekdepleriniň «Binagärlik», «Binagärlik gurşawynyň dizaýny» hem-de «Şähergurluşyk we ilatly ýerleri meýilleşdirmek» hünärleri üçin niýetlenendir diýip, Türkmenistanyň Bilim ministrliginiň metbugat gullugy habar berýär...

25.08.2025 07:38
4.6k+

Magtymguly adyndaky Türkmen döwlet uniwersitetinde bilim işgärleriniň maslahaty geçirildi

23-nji awgustda Magtymguly adyndaky Türkmen döwlet uniwersitetiniň mejlisler jaýynda ýurdumyzyň bilim işgärleriniň maslahaty geçirildi. Maslahat 2024-2025-nji okuw ýylynyň jemlerini jemlemäge hem-de täze, 2025-2026-njy okuw ýylynda öňde durýan wezipeleri ara alyp maslahatlaşmaga bagyşlandy...

22.08.2025 15:55
1.9k+

Ýaponiýanyň ilçihanasy ýapon dil bilimini bahalandyrýan synag üçin arzalary kabul edip başlady

Japanese-Language Proficiency Test (JLPT) synagyna arzalar kabul edilýär. Bu barada Ýaponiýanyň Türkmenistandaky ilçihanasy habar berdi. Hasaba alnyş 25-nji awgustan 1-nji sentýabra çenli dowam eder. Bellenilişi ýaly, synag şu ýyl ikinji gezek geçirilýär...

22.08.2025 07:45
7.1k+

Türkmen okuwçylary mental arifmetika boýunça dünýä rekordyny goýdular

21-nji awgustda Aşgabatda geçirilýän «Kids Expo: hemme zat çagalar üçin» atly halkara köpugurly sergi-ýarmarkasynyň çäklerinde mekdep okuwçylarynyň arasynda Mental arifmetika boýunça bäsleşikler guraldy. Türkmenistanyň...