Wenanyň amaly sungat uniwersiteti dünýäde ilkinji bolup emeli aňy talyp hökmünde okuwa kabul etdi

  • 08.04.2025 16:30
  • 2.7k+

Wenanyň amaly sungat uniwersiteti dünýäde ilkinji bolup emeli aňy resmi ýagdaýda talyp hökmünde hasaba alan bilim edarasy boldy. Flynn atly emeli aň sanly sungat maksatnamasy boýunça okuwa kabul edildi. Ol beýleki talyplar bilen deň derejede sapaklara gatnaşar, pikir alşar hem-de baha alar. Taslamanyň maksady – adam bilen emeli aňyň sungat ulgamyndaky bilelikdäki işini öwrenmek. Bu barada «Euronews» neşiri habar berýär.

Flynn adaty okuwa kabul ediliş düzgünlerinden geçdi: portfoliosyny tabşyrdy we söhbetdeşlige gatnaşdy. Şol söhbetdeşlikde ol sanly sungatyň çäklerini giňeltmäge we tankytlar boýunça pikirlenmäge bolan gyzyklanmasyny beýan etdi. Flynn-i okuwa kabul etmek mümkin, sebäbi düzgünnamada talyp hökmany suratda adam bolmalydyr diýen ýer ýok diýip, uniwersitetiň beýanatynda aýdylýar.
Flynn täze semestr başlanda, ýagny güýzde doly hukukly talyp bolar. Emma ol eýýäm mart aýyndan käbir sapaklara gatnaşyp başlady – muňa onuň okuwa ir uýgunlaşmagy we kursdaşlary bilen aragatnaşygy ýola goýmagy üçin rugsat berildi.
Flynn «Claude Sonnet» we «Stable Diffusion» atly açyk çeşmeli uly dil modelleriniň esasynda döredildi. Bu onuň IT ulgamynda tejribesi bolmadyk talyplar we mugallymlar bilen hem aňsat aragatnaşyk saklamagyny üpjün edýär. Flynn eýýämden gündelik ýazyp başlady we şol ýazgylarynda özüni «hakyky däl» diýip atlandyrýanlara gynanýandygyny beýan etdi.


28.10.2025 11:14
1.4k+

Barlag: EA sebäpli ýetginjekler çalt, ýöne ýüzleý pikirlenip başladylar

Oksfordyň uniwersitetiniň neşirýatynyň geçiren täze barlagyna görä, emeli aň (AI) ýaşlaryň pikirlemegine işjeň täsir edýär: ol has çalt pikirlemäge kömek edýär, ýöne käte seljerme çuňlugyny ýitirýär diýip Business Insider ýazýar...

28.10.2025 10:59
1.1k+

Barlaglar: Emeli aň habarlaryň mazmunyny 45% ýagdaýda ýoýýar

Emeli aň diline we ýurduna garamazdan, habarlaryň takmynan ýarysynyň mazmunyny üýtgedýär ýa-da ýoýýar. Şeýle netijä Ýewropanyň ýaýlym bileleşiginiň (EBU) we dünýäniň 18 ýurdunyň 22 jemgyýetçilik ýaýlymy tarapyndan geçirilen giň gerimli barlag şaýatlyk edýär...

28.10.2025 10:53
667

OpenAI emeli aň kömekçisi oturdylan ChatGPT Atlas brauzerini işe girizdi

OpenAI täze web-brauzer — ChatGPT Atlas-y hödürledi, onuň içine ChatGPT funksiýalary göni interfeýse gurnaldy. Indi ulanyjylar web sahypasynda wkladkalary alyşmak ýa-da maglumatlary göçürmek zerurlygy bolmazdan, tekstler, wezipeler ýa-da sahypalar bilen gönüden-göni işläp bilerler...

27.10.2025 00:10
5.2k+

Müňden gowrak işgär super EA-ny döretmegi bes etmek çagyryşy bilen çykyş etdi

1000-den gowrak jemgyýetçilik işgäri, şol sanda oýlap tapyjy, Apple-iň egindeş esaslandyryjysy Stiw Woznýak, “EA-nyň atalary” Jeffri Hinton we Ýoşua Benjio super EA-ny döretmäge garşy çykyş etdi. Olar şeýle tehnologiýanyň howpsuzdygyna göz ýetirilýänçä, şeýle ulgamlary döretmegi bes etmäge çagyryş bilen açyk hata gol çekdi...