Tailand 1-nji maýdan syýahatçylar üçin ýörite onlaýn sowalnama girizýär

  • 06.04.2025 23:54
  • 4.4k+

1-nji maýdan başlap, Tailandyň polisiýasynyň immigrasiýa býurosy daşary ýurtly syýahatçylary ýurda gelmezlerinden ozal, bildiriş üçin onlaýn tertipdäki formany doldurmaga borçly eder. Bu barada edaranyň resmi web saýtynda habar berildi.

Tailandyň Immigrasiýa býurosy syýahatçylaryň ýurda girişini ýeňilleşdirmek maksady bilen, Tailanda baranlygyň hakda sanly karty (Thailand Digital Arrival Card) işläp taýýarlady. Habarda bellenilmegine görä, Tailand Patyşalygyna gelýän ähli daşary ýurt raýatlar ýurduň çägine girmezlerinden ozal, TDAC formasyny onlaýn tertipde doldurmalydyrlar.
Formany tdac.immigration.go.th web salgysy arkaly saparyňa üç gün galanda doldurmaly. Formany doldurmak üçin pasportyňyz ýa-da ýol biletiňiz, şeýle hem uçuş baradaky maglumatlaryňyz, gelýän senäňiz we ýaşajak ýeriňiz baradaky maglumatlary gerek bolar. Şeýle-de adyňyzy, doglan senäňizi we raýatlygyňyzy hem görkezmeli.
Şahsy maglumatlaryňyz doldurylandan soň, immigrasiýa býurosy size elektron poçta arkaly hat ugradar we bu haty ýurda geleniňizde görkezmeli bolar. Polisiýanyň bellemegine görä, TDAC formasyny doldurmak hökmanydyr – bu forma bolmasa, immigrasiýa işgärleri syýahatçynyň ýurda girişini resmileşdirip bilmeýärler.


01.09.2025 00:32
2.3k+

Osakada EKSPO-2025-de Türkmenistanyň Milli pawilýonynda syýahatçylyga bagyşlanan halkara maslahat geçirildi

29-njy awgustda Ýaponiýanyň Osaka şäherindäki “EKSPO-2025” Bütindünýä sergisiniň çäklerinde Türkmenistanyň milli pawilýonynda “Türkmenistan – dost-doganlygyň, myhmansöýerligiň mekany” atly ýurdumyzyň syýahatçylyk ulgamyna bagyşlanan halkara maslahaty geçirildi...

24.08.2025 17:46
7.3k+

Bvlgari 2030-njy ýyla çenli Abu-Dabide täze kaşaň dynç-alyş toplumyny gurar

Bvlgari Hotels & Resorts Birleşen Arap Emirlikleriniň paýtagty Abu-Dabide täze dynç alyş toplumyny we ýaşaýyş jaýlaryny gurmak barada ylalaşyk baglaşdy. Toplumyň açylyşy 2030-njy ýyla meýilleşdirilýär. Bvlgari Resort & Mansions Abu Dhabi hususy adada ýerleşer...

23.08.2025 18:31
9.1k+

Tailand 200 müň syýahatça mugt awiabiletleri paýlamagy meýilleşdirýär

Tailandyň Syýahatçylyk we sport ministrligi daşary ýurtly syýahatçylar üçin mugt içerki uçuş maksatnamasyny teklip etdi. Bu başlangyjy durmuşa geçirmek üçin 700 mln bat bölüp bermek meýilleşdirilýär diýip, The Economic Times neşiri ýazýar...

22.08.2025 19:06
13k+

Döwlet departamenti ABŞ-nyň wizasy bolan 55 mln adamy düzgün bozma barlagyndan geçirer

21-nji awgustda ABŞ-nyň Döwlet departamenti amerikan wizalary bolan 55 milliondan gowrak daşary ýurtlynyň migrasiýa kanunyň düzgünlerini bozup bilendigini ýa-da ýokdugyny barlar. Bu barada Associated Press agentligi habar berýär...