Gaý Riçi Amazon üçin “Ýoldaky jaý” (Дом у дороги) filminiň dowamyny düşürer. UFC-niň öňki söweşijisi Elwud Daltonyň keşbini ýene-de Jeýk Jillenhol ýerine ýetirer diýip, World of Reel habar berýär.
Taslamanyň sýužeti we ssenariçiniň ady häzirlikçe aýdylmaýar.
Soňky dört ýylda Riçi bäş film düşürmäge ýetişdi. Ol 2025-nji ýylda birbada üç film çykarmagy meýilleşdirýär: “Baky juwanlygyň gözbaşy” (Источник вечной молодости), “Aýal we it” (Жена и собака) we “In the Grey” (В сером). Şeýle-de, ýakynda Paramount+ platformasynda onuň “Gangsterlend” serialy çykdy.
Ilkinji “Ýoldaky jaý” filmi geçen ýylyň 21-nji martynda çykdy we Amazon-yň hiti boldy. Onda antagonistiň keşbini irlandiýaly söweşiji, iki agram kategoriýasynda UFC-niň öňki çempiony Konor Makgregor ýerine ýetirdi. Çeşmäniň maglumatlaryna görä, bütin dünýäde filme 100 mln töweregi adam tomaşa etdi.
Film ýaşamak üçin serişdesi galmadyk UFC-niň öňki söweşijisi Elwud Dalton barada gürrüň berýär. Ony Florida-Kisdäki restorana işe alýarlar. Gahryman baýkerler bilen jenaýatçylaryň arasyndaky gapma-garşylyga girýär. Režissýor hökmünde “Geljegiň çeti” filmi bilen tanalýan Dag Laýman çykyş etdi.
Film 1989-njy ýyldaky režissýor Roudi Herringtonyň baş keşpde Patrik Sueýzi bilen adybir filminiň remeýki boldy.
