Microsoft dünýäde ilkinji bulut kompýuteri bolan Windows 365 Link-i 350 dollardan satuwa çykardy

  • 05.04.2025 21:07
  • 1.9k+

Geçen ýylyň ahyrynda tanyşdyrylan Windows 365 Link ykjam kompýuteri satuwa çykaryldy. ABŞ-da enjamyň bahasy 349,99 dollar diýlip kesgitlenildi. Microsoft ony ilkinji şahsy bulut kompýuteri hökmünde hödürleýär. Bu barada Windows-yň resmi blogunda habar berilýär.

Windows 365 Link-iň düzüminde 3,8 GGs-e çenli ýygylykda işleýän dört ýadroly Intel N250 prosessory, 8 GB LPDDR5 operatiw ýat (RAM) we 64 GB UFS içerki ýat bar. Enjam Wi-Fi 6E we Bluetooth 5.3 tehnologiýalaryny goldaýar. Daşky portlaryň toplumy bir sany USB-A 3.2 Gen1, iki sany USB-A 3.2 Gen2, bir USB-C 3.2, LAN, HDMI 2.0 we DisplayPort 1.4 girişlerinden ybarat. Enjamyň ölçegleri 120 × 120 × 30 mm.


Windows 365 Link-i diňe Microsoft-yň täjirçilik kanallary arkaly satyn alyp bolýar. Bu enjam adaty ulanyjylar üçin niýetlenmänsoň, dükanlarda satylmaýar. Öndürijiniň pikirine görä, onuň esasy alyjylary täjirçilik kompaniýalary we döwlet edaralary bolar. Windows 365 Link ýerli programmalar bilen işleşmegi goldamaýar, diňe Windows 365-e esaslanýan bulut kompýuterine birikdirilende işleýär.
Bulut arkaly işleýän şeýle enjamlaryň birnäçe artykmaçlygy bar. Mysal üçin, olar adaty ofis kompýuterleri bilen deňeşdirilende has ýokary howpsuzlygy we öndürijiligi hödürleýär. Bu kompýuterlerde maglumatlar içerki ýatda saklanmaýar, üstesine-de bulut kompýuterini islendik wagt has güýçli prosessor, köp operatiw ýat ýa-da giň göwrümli saklaýyş ulgamy bilen sazlap bolýar.
Windows 365 Link häzirlikçe şu ýurtlarda satylýar: ABŞ (349,99 dollar), Awstraliýa (639 Awstraliýa dollary), Kanada (519,99 Kanada dollary), Germaniýa (419 ýewro), Ýaponiýa (68 müň ýena), Täze Zelandiýa (739 Täze Zelandiýa dollary) we Beýik Britaniýa (349 funt sterling).


düýn 06:22
884

Windows 11-e operasion ulgam sazlamalary bilen işlemek üçin emeli aň kömekçisi goşuldy

Microsoft korporasiýasy Windows 11 operasion ulgamyna täze EA kömekçisini goşdy. Ol gönüden-göni “Sazlamalar” programmasyna gurnaldy. Onuň wezipesi ulanyjylara zerur parametrleri tapmaga we meseläni adaty dilde beýan etmek arkaly ulgamy sazlamaga kömek etmekden ybarat...

15.07.2025 13:07
1.4k+

Microsoft millionlarça adama emeli aň başarnyklaryny öwretmek üçin 4 milliard dollar sarp eder

Microsoft kompaniýasy Elevate atly bäş ýyllyk başlangyjyň işe girizilendigini habar berdi, onuň çäklerinde korporasiýa millionlarça adama emeli aň başarnyklaryny öwretmek üçin 4 milliard dollar sarp eder. Maliýe serişdeleri pul hemaýatlary, bulut tehnologiýalary we AI gurallary görnüşinde berler...

11.07.2025 19:22
2.1k+

EA Microsoft-a 500 mln dollardan gowrak tygşytlamaga kömek etdi

Emeli aň Microsoft korporasiýasyna soňky bir ýylda koll-merkezleriniň işinde 500 mln dollardan gowrak tygşytlamaga mümkinçilik berdi diýip, Bloomberg habar berýär. Bu barada maglumaty Microsoft-yň baş täjirçilik müdiri Jadson Oltoff aýtdy...

10.07.2025 23:41
1k+

Microsoft-yň Edge brauzeri rekord 300 millisekuntda sahypalary ýüklemegi öwrendi

Microsoft kompaniýasy sahypa geçenden soň 300 millisekuntdan hem az wagtda mazmuny - teksti, suratlary ýa-da interfeýsiň elementlerini görkezip başlaýan Edge brauzeriniň tizliginiň gowulaşandygyny habar berdi. Bu barada The Verge neşiri habar berdi...