2025-nji ýylyň 21–23-nji apreli aralygynda Almaty şäherinde (Gazagystan) "ESE ASIA-2025" II Halkara ulag forumy geçiriler. Çärä Ýewraziýa ýurtlarynyň işewürleriniň, döwlet düzümleriniň we logistika kompaniýalarynyň wekilleri gatnaşar. Forum Almatydaky "RIXOS" myhmanhanasynda geçiriler.
Forumyň guramaçylary – Ýeke-täk Ekspeditorlar Jemgyýeti (ESE) we Merkezi Aziýanyň Logistika we Ulag boýunça Patyşalyk Instituty (CILT Central Asia).
Foruma döwlet edaralarynyň, işewürligiň, ekspeditorlyk we ulag kompaniýalarynyň wekilleri ýygnanar. Olar Uly Ýewraziýanyň ulag integrasiýasy bilen bagly häzirki meseleleri, ýörelgeleri we geljekki mümkinçilikleri ara alyp maslahatlaşarlar.
Forumyň maksatnamasy:
- 21-nji aprel – Merkezi Aziýanyň iň iri ulag-logistika terminallarynyň birine, Atasu Trans kompaniýasynyň terminalyna meýletin gezelenç;
- 22-nji aprel – Umumy mejlisler, konteýner bazarynyň liderleri bilen dialoglar, tejribe sessiýalary we amaly maslahatlar. Gün "Qazyna grand ballroom" restoranynda geçiriljek resmi agşamlyk bilen tamamlanar;
- 23-nji aprel – Forumyň meýletin bölümi "Nurtau" golf klubunda, Swiss Hotel Alatau meýdançasynda geçiriler.
Şeýle hem, 24–25-nji aprelde PTC Holding kompaniýasynyň goldawy bilen "Dostyk — Alaşankou" Gazagystan-Hytaý serhedine iş sapary meýilleşdirilýär. Ýerler çäkli bolup, öňünden ýazylmak zerur.
Foruma Hytaýdan, Russiýadan, BAE-den, Ýewropadan, Hindistandan, Gazagystandan, Mongoliýadan, Özbegistandan, Täjigistandan, Gyrgyzystandan, Belarusdan we beýleki ýurtlardan kompaniýalaryň wekilleri gatnaşjakdyklaryny tassykladylar.
Çakylyklaryň arasynda demir ýol we gümrük pudagynyň hünärmenleri, şeýle hem DP World Central Asia, "OTLK ERA", CRCT, KTZ Express, PTC Holding, Atasu Trans, "Istkomtrans", "GK Delo", FESCO, "FININVEST" we beýleki iri ulag-logistika kompaniýalarynyň ýokary derejeli menejerleri bar.
Mundan başga-da, maksatnama B2B we B2G görnüşindäki işewür duşuşyklaryny, sebitdäki ulag-logistika terminallaryna gezelençleri hem-de resmi däl golf oýunlaryny öz içine alýar.
Ýörite şertlerde irki bronlamaklyk 7-nji aprele çenli elýeterlidir.
