Zak Snaýder UFC-de üstünlik gazanmaga çalyşýan los-anjelesli söweşiji barada “Brawler” atly filmini düşürer. Variety neşiriniň habar bermegine görä, Snaýder diňe bir režissýor däl, eýsem ssenariniň awtory we prodýuser bolup çykyş eder.
Filmi düşürmek işlerine UFC-niň prezidenti Dana Uaýt, şeýle-de Saud Arabystanynyň Esasy dynç alyş edarasynyň başlygy we “The Ring” boks žurnalynyň eýesi Turki Al aş-Şeýh hem gatnaşar.
Uaýt Snaýder bilen Al aş-Şeýhiň bu taslama üçin bir umumy garaýşynyň bardygyny belledi.
“Olaryň ikisi-de bu taslama bilen gyzyklanýar we muşdaklara adamyň nädip UFC-niň çempiony bolup bilýändigini görkezmek isleýär. Bu örän batyrgaý taslama we men onuň durmuşa geçirilmegine sabyrsyzlyk bilen garaşýaryn” – diýip, UFC-niň ýolbaşçysy aýtdy.
Snaýderiň özi UFC bilen hyzmatdaşlygyň özi üçin uly hormatdygyny belledi.
“Her bir beýik söweşijiniň aňyrsynda bir waka bar. UFC – sportuň söweş görnüşleriniň dünýäsinde lider we men bu ajaýyp wakany gürrüň bermek üçin kömek etmäge şat” – diýip, režissýor aýtdy.
Zak Snaýderiň filmografiýasynda “Merhumlaryň örmegi” (Рассвет мертвецов), “300 spartaly” (300 спартанцев), “Polat adam” (Человек из стали), “Adalat ligasy” (Лига справедливости) ýaly meşhur filmler bar.
