Xiaomi Wýetnamda Redmi 13x smartfonyny tanyşdyrdy. Täze model täzelenen dizaýn bilen gelýär, ýöne onuň häsiýetnamalary geçen ýylky Redmi 13 4G-niňki bilen birmeňzeş. Bu barada «GSMArena» habar berýär.
Smartfon 6,79 dýuýmlyk IPS displeý bilen enjamlaşdyrylan. Onuň durulygy FHD+ (1080 × 2460), täzeleniş ýygylygy 90 Gs, iň ýokary ýagtylygy bolsa 550 kd/m² çenli. Enjam 2,0 GGs-e çenli tizligi bilen sekiz ýadroly MediaTek Helio G91 Ultra prosessorynyň we Mali-G52 MC2 grafiki prosessorynyň esasynda işleýär.
Operatiw ýady – 6 ýa-da 8 GB, içerki ýady bolsa – 128 GB.
Esasy kamerasy 108 MP (f/1.8) bolup, 2 MP makro moduly (f/2.4) hem bar. Öňdäki kamerasy bolsa – 13 MP (f/2.5).
Enjam 5030 mA·sag sygymly batareýa we 33 Wt tiz zarýad beriş tehnologiýasy bilen üpjün edilen. Şeýle hem gapdal tarapynda barmak yzy skaneri we 3,5 mm ses girişi bar.
Smartfon IP53 gorag standartyna laýyklykda, tozana we çyglylyga garşy çydamly. Ol Android 14 esasly HyperOS interfeýsinde işleýär.
Redmi 13x eýýäm satuwa çykdy. 6/128 GB wersiýasynyň bahasy, takmynan, 168 dollar. 8/128 GB wersiýasynyňky bolsa – 183 dollar.
