«Washington Post» neşiriniň berýän maglumatlaryna görä, ABŞ-nyň Milli saglygy goraýyş institutlary (NIH) geçen ýyl mart aýynyň ahyryna çenli täze taslamalara 1,027 milliard dollar, köne taslamalaryň dowam etdirilmegi üçin bolsa 4,5 milliard dollar bölüp berdi. Emma 2025-nji ýylda bu sanlar, degişlilikde 400 million we 2 milliard dollar boldy. Bu bolsa maliýe serişdeleriniň, takmynan, 60% az bölünip berilmegini aňladýar.
Donald Tramp ABŞ-da häkimiýet başyna gelensoň, NIH täze grantlaryň (kömek pullary) berilmegini togtatdy we öňki grantlary kemeltdi. Bu ýagdaý rak, süýjüli diabet, Altsgeýmer keseli, sanjymlar we psihiki saglyk bilen bagly geçirilýän ylmy-barlaglara agyr zarba urdy. Alymlar maliýe serişdeleri bolmasa, işlerini dowam etdirip bilmejekdiklerini, munuň hem öz gezeginde täze dermanlaryň we ylmy açyşlaryň gijikmegine sebäp boljakdygyny aýdýarlar.
Bilermenler bu ýagdaý sebäpli, ýaş alymlaryň ylmy gözleglerden ýüz öwürmeginden alada edýärler.
