Microsoft korporasiýasy Windows 11-de «ölüm ekranynyň» (BSoD) reňkini üýtgetmegi meýilleşdirýär. 24H2 täzelenmesiniň synag wersiýasynda ol ýaşyl reňkde boldy.
Täze dizaýnda gamgyn smaýlik we QR-kod aýryldy. Indi ekranda diňe ýerine ýetiriş göterimi we şu habar görkezilýär: «Enjamyňyzda näsazlyk ýüze çykdy we täzeden başlatmak zerur».
«Windows Latest» neşiriniň habaryna görä, Microsoft gara reňkli görnüşi hem synagdan geçirdi, ýöne Windows Täzelenmeler merkeziniň ekrany bilen birmeňzeşdigi sebäpli, ol şowsuz boldy.
Işläp düzüjileriň pikirine görä, täze dizaýn kompaniýanyň ýörelgelerine has laýyk gelýär we ulanyjylaryň tizräk öz işlerine dolanmagyna ýardam berer.
Mawy «ölüm ekrany» ilkinji gezek 1990-njy ýylda Windows 3.0-da peýda bolupdy we şondan bäri tas hiç hili üýtgemedi. Ol Windows 7, Vista we beýleki Windows wersiýalarynda ýüze çykýardy.
