Ýaponiýanyň awtoulag öndürijileri 2025-nji ýylyň fewral aýynyň önümçilik we satuw netijelerini yglan etdiler. Kompaniýalar dürli öndürijilik görkezijilerini görkezdiler. Umuman aýdanyňda, bazar pudagyň global üýtgeýän şertlerinde orunlaryny saklamak üçin kompaniýalardan strategiýalaryna täzeden garamagy we täze awtoulaglara ünsi jemlemegi talap edýär.
Toyota yzygider ikilenji aý global önümçiliginiň ösýändigini habar berdi. Kompaniýa 779 790 awtoulag öndürdi, bu bir ýyl ozalkydan 6% köp. Ýaponiýada önümçilik 16%, daşary ýurtlarda bolsa 1% -den az ösdi. Ýurduň içindäki satuwlar 28%, daşary ýurtlardaky satuwlar 2% ýokarlandy, netijede girdejiler 6% artdy. Şeýle-de bolsa, Demirgazyk Amerikada ätiýaçlyklaryň ýetmezçiligi we iş günleriniň azlygy sebäpli satuw 7% pese düşdi.
237,982 awtoulag çykaran Nissan-yň global önümçiligi 12,1% peseldi. Ýaponiýada bu görkeziji 13,2% , 52 198 birlige çenli peseldi, daşary ýurtlarda bolsa 11,7% kemelip, 185 784 birlik boldy. Kompaniýa dünýäde önümçiligiň azalmagy bilen ýüzbe-ýüz boldy.
Mitsubishi Motors yzly-yzyna 12 aýlap pese gaçmagyny dowam etdirdi. Önümçilik 9,6% peselip, 79 002 awtoulag boldy. Ýaponiýada önümiň çykyşy 6,1% azaldy we 42 690 birlige deň boldy, daşary ýurtlarda 13,5% kemeldi we 36 312 birlik boldy.
Mazda dünýädäki önümçiligini 4,6% kemeldip, 95 563 awtoulag çykardy. Ýaponiýada bu görkeziji 8,4% aşaklap, 60 139 birlige, daşary ýurtlarda bolsa 2,4% ýokarlap, 35 424 birlige ýetdi.
Honda Ýaponiýada önümçiligini 21,9 göterim ýokarlandyryp, 62 172 awtoulag öndürdi. Şeýle-de bolsa, dünýä önümçiliginiň umumy mukdary 3,5 % aşaklap, 284 530 birlige düşdi.
Subaru 75 107 awtoulag öndürdi, bu bolsa bir ýyl ozalkydan 0,6 % köpdür. Eksport 15,1% ýokarlandy, ýöne Ýaponiýada satuw 10,9% aşaklady.
Suzuki dünýädäki önümçiligini 1,6% ýokarlandyryp, 289 130 birlige ýetirdi. Ýaponiýada ösüş 23,4% bolup, eksport 26,9% ýokarlandy.
