Baş keşbi Leonardo Di Kaprionyň ýerine ýetirmeginde “Bir söweşden soň beýleki” (Одна битва за другой) filminiň resmi treýleri çykdy.
Bu Warner Bros. üçin režissýor Pol Tomas Anderson (“Nebit”, “Halypa”, “Hyýaly sapak”) tarapyndan düşürilen gara komediýadyr.
Treýler aktýoryň başga hiç hili wideo bolmadyk resmi YouTube kanalynda hem peýda boldy.
Film Andersonyň iň gymmat işi bolup, 140 mln dollara düşdi.
Di Kaprio üçin bu režissýor bilen ilkinji hyzmatdaşlykdyr. Onuň bilen bilelikde filme Benisio Del Toro, Şon Penn, Rejina Holl, Teýana Teýlor, Alana Haim, Wud Harris, Şeýna MakHeýl we Çeýz Infiniti gatnaşdy.
Ilkinji tizer çykmazdan öň sýužet barada giňişleýin maglumatlar we filmiň doly ady gizlin saklandy. Onuň diňe amerikaly ýazyjy Tomas Pinçonyň “Waýnlend” (1990) romanyna esaslanjakdygy mälimdi.
Treýler Di Kaprionyň öz gyzyny halas etmekçi bolýan rewolýusioner Bob Fergýuseni oýnaýandygyny görkezýär. Sahnalaryň birinde ol halatda we şapkada taksofon ulanýar, ýöne kod sözüni ýatdan çykarýar. Del Toro onuň gorkmazlygy öwredýän halypasyny oýnady.
