Ýewropa kosmos agentligi (ESA) “Gaýýa” kosmos teleskopynyň öz missiýasyny tamamlandygyny habar berdi. 2013-nji ýylda uçurylan apparat öçürildi we taşlandylar ugradylýan orbita iberildi.
“Gaýýa” teleskopy 11 ýyldan gowrak barlaglardan soň, öz işini tamamlady. ESA bu missiýany 2025-nji ýylyň ýanwar aýynda tamamlamagy karar etdi, çünki apparatyň kosmosda ugur almagy üçin zerur bolan azot ätiýaçlygy gutardy diýen ýaly.
Öçürilmezden ozal, teleskop Ýerden soňky buýrugy alyp, geljekki missiýalara päsgel bermezlik üçin, Ýer-Gün ulgamynyň Lagrange L2 nokadynyň çäginden çykyp Günüň töweregindäki zibil ugradylýan orbita iberildi. 27-nji martda Aşgabat wagty bilen sagat 14:00-da operatorlar aragatnaşyk ulgamlaryny we esasy kompýuteri öçürmek üçin ahyrky buýruklary iberdiler.
Gaýýa 2013-nji ýylyň 19-njy dekabrynda Fransiýanyň Gwianasyndaky Kuru kosmodromyndan “Soýuz-ST-B” raketasynda uçurylypdy. Onuň missiýasy ilkibaşda bäş ýyla meýilleşdirilipdi, emma ol 11 ýyldanam gowrak işledi. Teleskop Akmaýanyň ýolunyň jikme-jik kartasyny döredip, iki milliarddan gowrak ýyldyzyň ýerleşişini we traýektoriýalaryny ýazga aldy.
Onuň işiniň soňky netijeleri 2030-njy ýyla çenli çap ediler.
