Ilon Maskyň Grok çat-boty Telegram-da elýeterli boldy

  • 28.03.2025 12:50
  • 3.2k+

Ilon Maskyň xAI kompaniýasy tarapyndan işlenip düzülen emeli aňa esaslanýan Grok çat-boty indi Telegram messenjerinde elýeterli boldy. Bu barada milliarder X sosial ulgamynda habar berdi.

Telegram-yň premium ulanyjylary çat-boty mugt ulanyp biler.
Messenjer işe girizilende çat-bot özüni şeýle tanadýar: “Men – Grok, çynlakaý we o diýen çynlakaý bolmadyk pikir alyşmalar üçin xAI-iň ösen gepleşik modeli… Başlamak we lezzet almak üçin ýönekeý habar iberiň!”.
Ilon Mask emeli aň pudagynda xAI startapynyň döredilendigi barada 2023-nji ýylyň iýul aýynda habar berdi. Şol wagt hem Grok neýroulgamy işlenip başlandy. Fewral aýynyň ortasynda onuň “dünýäde iň akylly EA hökmünde” görkezilýän üçünji wersiýasy çykdy. Ony okatmak üçin beýlekiler bilen bir hatarda X sosial ulgamyndan alnan maglumatlar ulanyldy. Işewür öz emeli aňynyň “X platformasy arkaly hakyky wagt režiminde maglumatlara elýeterlidigini, munuň bolsa beýleki programmalara garanda uly artykmaçlykdygyny”, şeýle-de sarkazm we gülki bilen tekstleri döredip bilýändigini aýdýar.
Grok çat-boty X platformasynyň hem premium ulanyjylary üçin elýeterlidir. EA-nyň öz saýty we ykjam goşundysy-da bar.


düýn 23:30
1.3k+

Ilon Maskyň xAI kompaniýasy programmistler üçin Grok Code Fast 1 modelini hödürledi

Ilon Maskyň xAI kompaniýasy tizlige we işjeňlige gönükdirilen programmirlemek üçin Grok Code Fast 1 emeli aň modelini hödürledi. Model täze arhitektura esaslanýar we giň maglumatlar toplumy bilen okadyldy. Bu işde taýýar çözgütler, programmirleme boýunça meseleler we kody üýtgetmek üçin hakyky ýüz tutmalar ulanyldy...

düýn 12:23
1.8k+

OpenAI ChatGPT bilen alşylan hatlary barlaýar we howply mazmuny polisiýa habar berýär

OpenAI kompaniýasy öz blogunda ChatGPT-niň ulanyjylarynyň hat alyşmalarynyň indi zyýanly mazmun taraplarynyň derňelýändigini habar berdi. Potensial howply habarlar gözden geçirmek üçin işgärlere iberilýär we käbir ýagdaýlarda polisiýa iberilip bilner...

31.08.2025 20:37
3k+

Hünärmenler EA bilen işleýän ilkinji kompýuter wirusyny ýüze çykardy

ESET Research Labs-yň hünärmenleri emeli aňyň kömegi bilen işleýän zyýanly wirusy tapdy. Ol şeýle görnüşli ilkinji mälim bolan wirus boldy we PromptLock adyny aldy. Wirus taýýar promptlaryň toplumyny ýerli EA modeline iberýär, bu model hem jogap hökmünde Lua dilinde skriptleri döredýär (1993-nji ýylda döredilen dil programmirlemesi bolup, köplenç, oýunlary döretmekde ulanylýar)...

31.08.2025 08:47
7.3k+

Samsung EA-nyň we eplenýän iPhone-yň ýokdugy üçin Apple-iň üstünden güldi

Samsung korporasiýasy X sosial ulgamynda mahabat wideosyny hödürledi we onda degişme äheňinde özüniň eplenýän Galaxy Z Fold 7 smartfonynyň iPhone-dan artykmaçlygyny görkezdi. Sýužet boýunça basseýniň gyrasynda dynç alýan iki adam iPhone bilen eplenýän Samsung smartfonyny deňeşdirýär...