«Life Framer’s Series Award» fotosurat bäsleşiginiň guramaçylary ýeňijini yglan etdiler. Londonyň abraýly platformasynyň baýragyny Lorenso Poli «Antroposen spirallary» atly suratlar tapgyry üçin aldy.
Bu baýrak daşky gurşaw meselelerine bagyşlanan suratlar üçin gowşurylýar.
Poli özüniň işlerinde uly göwrümli känleriň tebigata ýetirýän täsirini görkezmek üçin aerofotosuratlary ulandy. Ol Günorta Amerikanyň iň uly känlerinde peýda bolan «ýaralary» suratlandyrdy. Suratlar käte Dante Aligýeriň «Ylahy komediýasyndaky» dowzahyň dokuz tegelegini ýatladýar.
«Bu fotosurat gözlegi — adam gymmatlyklary we olaryň Ýere nähili täsir edýändigi baradaky şahsy oýlanmadyr. Ýewropaly arhitektor hökmünde, öz iş meýdanymy metafiziki wizual sungat bilen giňeldip, men 18 aýlap Günorta Amerikanyň magdançylyk sebitlerine syýahat edip, many gözledim» — diýip, Poli aýtdy.
Suratlar Çili we Peruda düşürildi – bu ýurtlarda mis we altyn gazyp almak ykdysadyýetde möhüm orny eýeleýär.
Suratlar tapgyry:
Dünýäniň iň uly mis känlerinden biri — Eskondida, Antofagasta, Çili
Altyn känі — La-Rinkonada, Peru
Mis känі — Sýerra-Gorda, Antofagasta, Çili
Dünýäniň iň uly açyk känі — Çukikamata, Atakama, Çili
Mis känі — Serro-Werde, Arekipa, Peru
