Hytaý kosmos stansiýasy täze ýaşaýjylary – planariýalary kabul eder. Bu eýýäm 520 million ýyldan gowrak wagt bäri bar bolan kirpikli gurçuklardyr (Turbellaria). Olar böleklere bölünenden soň hem öz organlaryny, hatda beýnisini gaýtadan dikeldip bilýär. Alymlar agramsyzlygyň olaryň regenerasiýasyna nähili täsir edýändigine düşünmek isleýär.
Planariýalar biologiýada köp öwrenilýän obýektleriň biridir. Tejribe stansiýadaky ýörite şkafda geçiriler, bu ýerde eýýäm danio-rerio balyklary we drozofila siňekleri öwrenilýär.
Ähtimal, tejribäniň dowamynda alnan maglumatlar alymlara adamlarda garramak prosesini haýallatmagyň täze usullaryny işläp taýýarlamaga kömek eder.
