Serdar Berdimuhamedow türkmen halkyny Gadyr gijesiniň ýetip gelmegi bilen gutlady

  • 26.03.2025 12:31
  • 8.9k+

Prezident Serdar Berdimuhamedow türkmen halkyny mukaddes Oraza aýynyň ynsanperwerligi, sahawatlylygy hem-de ýagşylygy dabaralandyrýan Gadyr gijesiniň ýetip gelmegi mynasybetli gutlady.

"Pespälligi mylaýymlyk, kanagaty sahylyk, päkligi asyllylyk, bilimi danalyk, dogruçyllygy hoşamaýlyk, ýagşylygy jomartlyk, gülerýüzlüligi dostluk hasaplan ata-babalarymyz dünýä gymmatlyklarynyň ulgamynda nusgalyk maddy we ruhy hazynalary, milli däpleri, ynanç-adatlary, belent ruhy-ahlak ýörelgelerini hem-de taglymatlaryny döredipdirler. Berkarar döwletiň täze eýýamynyň Galkynyşy döwründe bu gymmatly genji-hazynanyň gadyr-gymmaty has-da ýokary derejä çykyp, adamzady doganlaşdyrýar, geçmiş bilen şu güni we geljegi birleşdirýär. Jemgyýetimiziň hemmetaraplaýyn sazlaşykly ösüşini üpjün edýär, şol bir wagtyň özünde-de nesillerde milli buýsanjy pugtalandyrýar. Bu gymmatlyklaryň arasynda beden we ruhy taýdan päklenmegiň keremli aýy bolan Oraza aýynyň mübärek Gadyr gijesiniň dessurlary aýratyn orny eýeleýär. Ähli döwürlerde, ähli eýýamlarda bolşy ýaly, olar biziň günlerimizde hem musulman dünýäsi bilen birlikde mynasyp dowam etdirilýär" diýlip gutlagda aýdylýar.

"Döretmek we gurmak biziň ähli ösüşlerimiziň, täze belentliklerine tarap öňe hereket etmegimiziň hem-de berkarar döwletliligimiziň ýoludyr. Beýik pederlerimiziň iň belent we asylly arzuwlaryndan kemala gelen bu ýol bizi bagtyýar durmuşa ýetirdi. Garaşsyz, hemişelik Bitarap ýurdumyzda bu ýola eýerip, demokratik, hukuk we dünýewi döwletimiziň binýatlaryny berkidýäris, giň gerimli, okgunly, tutumly işleri üstünlikli amala aşyryp, Watanymyzyň pajarlap ösüşini üpjün edýäris. Döredijilikli zähmetimiz, eziz Diýarymyza bolan beýik söýgimiz, onýyllyklaryň dowamynda ýurdumyzy durmuş-ykdysady taýdan ösdürmegi göz öňünde tutýan maksatnamalarymyz esasynda ykdysadyýetimizi yzygiderli döwrebaplaşdyrýarys. Berkarar Watanymyzyň kuwwatynyň artmagynyň, mähriban halkymyzyň ýaşaýyş-durmuş şertleriniň has-da gowulandyrylmagynyň bähbidine gönükdirilen önümçilik, inženerçilik we durmuş amatlyklaryny özünde jemleýän täze, döwrebap obadyr şäherleriň gurluşyklaryny depginli dowam etdirýäris" diýip, Serdar Berdimuhamedow belleýär.

"Sizi mukaddes Gadyr gijesi bilen ýene-de bir gezek tüýs ýürekden gutlaýaryn. Mübärek Oraza aýynyň sahawatly günlerinde hem-de Gadyr gijesinde amal edýän tagat-ybadatlaryňyz, agzybirligimiz we abadançylygymyz, dünýäde abraýy barha belende galýan Garaşsyz, Bitarap Watanymyzyň berkararlygy, rowaçlygy üçin edýän doga-dilegleriňiz Gudraty Güýçli Beýik Allatagalanyň dergähinde kabul bolsun!" diýip, döwlet Baştutany jemleýär.


şu gün 00:48
2.2k+

Türkmenistanyň Döwlet lukmançylyk uniwersiteti Hazarýaka ýurtlarynyň uniwersitetleriniň assosiasiýasyna kabul edildi

Myrat Garryýew adyndaky Türkmenistanyň Döwlet lukmançylyk uniwersiteti Hazarýaka ýurtlarynyň uniwersitetleriniň we ylmy-barlag merkezleriniň assosiasiýasynyň resmi taýdan täze agzalygyna saýlandy. Bu barada "Türkmenistan: Altyn asyr" elektron neşiri habar berýär...

düýn 12:29
4.9k+

Türkmen alabaýynyň keşbini şekillendirmek boýunça döredijilik bäsleşiginiň ýeňijileri yglan edildi

26-njy oktýabrda Aşgabat atçylyk sport toplumynda Türkmen alabaýynyň baýramy mynasybetli dabaralaryň barşynda alabaýlaryň keşbini şekillendiriş we amaly-haşam sungaty eserlerinde çeper beýan etmek boýunça döredijilik bäsleşiginiň jemi jemlenildi...

düýn 11:47
17k+

Halkara bäsleşiginde ýeňiş gazanan Wepaly atly alabaý itiniň eýesine Toyota Camry V6 berildi

2025-nji ýylda «Ýylyň türkmen edermen alabaýy» adyna Türkmenistanyň Goranmak ministrligine degişli bolan Wepaly atly türkmen alabaýy mynasyp boldy. Bäsleşigiň netijeleri 26-njy oktýabrda Aşgabat atçylyk sport toplumynda Türkmen alabaýynyň baýramy mynasybetli dabaralaryň çäklerinde yglan edildi...

24.10.2025 11:22
5.3k+

Türkmenistanda Gurbannazar Ezizowyň doglan gününiň 85 ýyllygy belleniler

Noýabr aýynda Türkmenistanyň halk ýazyjysy, Magtymguly adyndaky döwlet baýragynyň eýesi Gurbannazar Ezizowyň doglan gününiň 85 ýyllygy mynasybetli aýdym-sazly dabara guralar. Bu barada 23-nji oktýabrda wise-premýer B...