Käbir ulanyjylar Windows 10 üçin KB5053606 täzelenmesini gurnandan soň, çynlakaý kynçylyklar bilen duçar boldular. 11-nji martda çykan patç, täzelenmeler petiklense-de, awtomatiki usulda gurulýar diýip, Windows Latest ýazýar.
Gurnamak işleri adatdakysyndan has köp wagt alýar: käbir ýagdaýlarda birnäçe sagat dowam edýär ýa-da ýalňyşlyklar bilen tamamlanýar.
Gurnandan soň, ulanyjylar printeriň çap nobatynyň dolandyryjysynda ýüze çykýan kynçylyklardan zeýrenýärler, bu bolsa işgärleriň zähmet öndürijiligine ýaramaz täsir edýär. Şeýle hem wezipeler panelinden nyşanlaryň ýitip gitmegi we iş stolunyň şahsylaşdyryş sazlamalarynyň täzeden düzülmegi ýüze çykyp başlady. Ulgamyň haýallamagy we klawiaturanyň jogap berşiniň gijikmegi artdy.
Käbir ulanyjylar şeýtmek bilen Microsoft-yň öz müşderilerini Windows 11-e geçmäge mejbur etjek bolýandygyny öňe sürýärler. Ulgamyň täze wersiýasy birnäçe artykmaçlygy hödürleýär, ýöne has güýçli enjamlary talap edýär, şeýle hem kompaniýanyň aradan aýyrmaga çalyşýan birnäçe kemçiliklerini hem öz içine alýar.
