22-nji martda geçirilen ählihalk bag ekmek dabarasynyň barşynda tutuş Türkmenistan boýunça agaç nahallarynyň 632 müň 498 düýbi ekildi. Bu barada "Türkmenistan" gazetinde habar berilýär.
Öň, habar berşimiz ýaly, bu möhüm ekologik çärä Prezident Serdar Berdimuhamedow hem gatnaşdy.
Agaç nahallaryny ekmekden başga-da, seýilgähleri we tokaý zolaklaryny arassalamak, abadanlaşdyrmak işleri geçirildi. Bu işler bilen birlikde, jemi 2 million 260 müň 836 düýp baga ideg edildi.
Belläp geçsek, 2024-nji ýylda güýzki ählihalk bag ekmek dabarasynyň barşynda 539 müň 185 düýp, ýazky möwsümde bolsa 594 müň 892 düýp agaç nahallary ekildi.
