Samsung Galaxy smartfonlarynyň ulanyjylary indi One UI 7.0-däki «Awtomatiki barlag» (Automatic verification) funksiýasynyň kömegi bilen CAPTCHA-lardan aňsatlyk bilen geçip bilerler diýip, «Android Authority» habar berýär.
Bu funksiýa «Yzarlamadan akylly gorag» (Smart anti-tracking) ulgamynyň bir bölegi bolup, diňe bir CAPTCHA-lardan geçmegi ýeňilleşdirmek bilen çäklenmän, eýsem ulanyjylaryň maglumatlarynyň ýygnanmagynyň hem öňüni alýar.
Emma bu funksiýanyň käbir çäklendirmeleri bar: ol diňe goldanylýan web sahypalarynda işleýär we diňe «Samsung Internet» brauzerinde elýeterli. «Google Chrome» ýa-da «Mozilla Firefox» ýaly beýleki brauzerlerde häzirlikçe bu funksiýa ýok.
«Awtomatiki barlag» funksiýasyny işjeňleşdirmek üçin ulanyjylar «Samsung Internet» brauzeriniň gizlinlik sazlamalaryna girip, degişli opsiýany açmalydyr.
Bu aýratynlyk diňe One UI 7.0 interfeýsinde işleýän Samsung Galaxy enjamlarynda elýeterli bolar. Täze operasion ulgam 2025-nji ýylyň 7-nji aprelinden başlap ýaýradylyp başlar.
