Daşary ýurt dillerini öwrenmek üçin niýetlenen "Duolingo" hyzmaty ulanyjylara ýitiren iň uzyn gündelik okuw seriýasyny dikeltmäge mümkinçilik berýän ýörite aksiýany ýola goýdy. Bu başlangyç köp günlük okuw tertibini ýitiren we yzygiderli okuwa gaýtadan başlamak isleýänler üçin niýetlenendir.
Aksiýanyň şertlerine görä, öň azyndan 30 gün dowam eden seriýasy bolan ulanyjylar, yzly-yzyna üç sapagy tamamlamak bilen ony yzyna gaýtaryp bilerler. Munuň üçin oýun içindäki walýutany ýa-da hakyky puluňyzy sarp etmek gerek däl. Bu mümkinçilik "Android" we "iOS" mobil goşundylarynda elýeterlidir.
Kompaniýada düşündirmeklerine görä, diňe bir rekordy — ozal ýitirilenleriň iň uzynyny dikeldip boljakdygy düşündirildi. Eger ulanyjy birnäçe seriýany ýitiren bolsa, ulgam olaryň arasyndan iň uzynyny saýlar. Şunda dikeldilen seriýa häzirki seriýa bilen jemlenmeýär. Meselem, eger öň 1000 günlük seriýa bolup, ol üzülen bolsa we täzesi 200 güne ýeten bolsa, aksiýa gatnaşylandan soň 1200 günlük jemlenen däl-de, 1000 günlük rekord dikeldiler.
Hyzmatyň wekilleri ulanyjynyň ygtyýarynda bolmadyk ýagdaýlar sebäpli uzyn okuw seriýasynyň ýitirilmeginiň köplenç okuwa bolan höwesi peseldýändigini belleýärler. Täze aksiýa okuwçylara gündelik tejribä gaýtadan başlamaga kömek etmegi maksat edinýär.
Teklip diňe 2026-njy ýylyň iýun aýynda hereket edýär. Okuw seriýasyny ýitirmedik ulanyjylar goşunduda degişli habarnamany almazlar.
