Nvidia kompaniýasy “Ýyldyz söweşleri” (Звёздные войны) franşizasyndaky droidlere meňzeş Blue robotyny hödürledi. Tanyşdyrylyş GTC 2025 konferensiýasynda geçirildi.
Robot The Walt Disney Company we Google Deep Mind bilen bilelikde robototehnika pudagynda iň täze işläp taýýarlamalaryň esasynda döredildi. Blue açyk başlangyç kodly Newton fiziki hereketlendirijisine (physics engine) we Groot N1 neýromodeline esaslanýar. Newton-yň kömegi bilen robot daşky gurşaw bilen netijeli aragatnaşyk saklap, çylşyrymly işleri ýerine ýetirip bilýär. Mundan başga-da, Newton öwreniş prosesini 70 esse çaltlaşdyrýar.
Şeýle-de, Newton tehnologiýasy Blue ýaly robotlaryň eýýäm indiki ýyl Disney-iň dynç alyş seýilgählerinde peýda bolmagyna kömek eder.
Groot N1 EA modeli adamyň pikirleniş ýörelgelerine esaslanyp, iki ulgamy: haýal we çalt pikirlenmäni utgaşdyrýar. Ilkibaşda ol işi ýerine ýetirmegiň ähli mümkin bolan usullaryny seljerýär, soňra ony amala aşyrmak üçin dolandyryjy signallary iberýär.
