Pixar-yň YouTube kanalynda “Kokonyň syry” (Тайна Коко) multfilminiň režissýory, “Gowy dinozawryň” (Хороший динозавр) ssenariçisi we “Men gyzarýaryn” (Я краснею) multfilminiň prodýuseri Adrian Molinanyň täze “Elio” animasion filminiň treýleri hödürlendi.
Ol 20-nji iýunda kinoprokata çykar. Multfilm iň uly arzuwy başga planetalylar tarapyndan alnyp gaçylmak bolan 11 ýaşly oglan barada gürrüň berer. Günlerde bir gün Elionyň islegi hasyl bolýar we ol täsin başga planeta dünýäsine düşýär.
Görlüp oturylsa, başga planetalylar “arzuwçyllary we müneçjimleri” gözläp, bütin dünýä boýunça syýahat edýär eken. Olaryň arasynda Elio dil tapyşmak aňsat bolýar. “Öýde men hiç hili hasaba giremokdym we men ähli mesele Ýerde diýip pikir edýärdim” – diýip, oglan aýdýar.
Multfilmde Elionyň dostuna öwrülen Glordon atly jandar oňa başga planetalylar bilen täze gatnaşyklary ýola goýmaga we olar tarapyndan Ýeriň lideri hasaplanan oglanyň, aslynda, kim bolmalydygyny anyklamaga kömek edýär.
Multfilmiň üstünde Molinadan başga-da, režissýorlar Madlen Şarafýan (“Hin”) we Domi Şi (“Bao”, “Men gyzarýaryn”), şeýle-de prodýuser Meri Elis Dramm (“Kokonyň syry”) işledi. Ses bermäge Ýonas Kikreab, Zoi Saldana, Remi Ejerli, Bred Garrett, Jamila Jamil we Şirli Henderson gatnaşdy.
