Germaniýanyň Regensburg şäherinde 900-e golaý taksanyň gatnaşmagyna uly ýöriş geçirildi. Dackelmuseum taksa muzeýi tarapyndan guralan çäre Ginnesiň rekordlar kitabynda hasaba alyndy.
Gatnaşyjylar gadymy köçelerden ýöräp geçip, XII asyra degişli taryhy daş köprüden aşdylar we şäheriň esasy meýdançasyna gelip jemlendiler.
Orkestr myhmanlary şowhunly garşy aldy, ýoluň ugrundaky äpet taksa görnüşli göçme attraksion bolsa hemmeleriň ünsüni çekdi. Itleriň eýeleri Günorta Germaniýanyň däp bolan egin-eşiklerini geýip, ýörişiň dabarasyna aýratyn öwüşgin berdiler.
«Taksalar syýasy garaýyşlardan daşdadyr. Taksalar üçin ähli adamlar derisiniň reňkine ýa-da gelip çykyşyna garamazdan deňdir» — diýip, Dackelmuseum taks muzeýiniň esaslandyryjysy Seppi Kýublbek bu ýöriş barada aýdyp geçdi.
Hasaplamalara görä, aslynda, ýörişe jemi 1175-e golaý taksa gatnaşypdyr. Ýöne Ginnesiň rekordlar kitabynyň wekilleri diňe 897 sany taksany sanamagy başarypdyrlar. Şeýle-de bolsa, bu görkezijiler hem täze rekordy hasaba almak üçin ýeterlik boldy.
