16-njy iýunda Türkmenistanyň Mejlisinde milli Parlamentiň wekilleriniň Germaniýa Federatiw Respublikasynyň Konrad Adenauer adyndaky Gaznasynyň Merkezi Aziýa boýunça sebitleýin wekili Andre Algermissen bilen duşuşygy boldy.
Taraplar daşky gurşawy goramak, ekologik howpsuzlyk we bu ugurdaky halkara hyzmatdaşlyk meselelerini ara alyp maslahatlaşdy. Myhmana Türkmenistanyň ekologiýa çäreleri baradaky döwlet syýasaty we ekologiýa diplomatiýasynyň netijeleri tanyşdyryldy.
Türkmen tarapy klimatyň üýtgemegi, metan zyňyndylaryny azaltmak, çölleşmäge garşy göreşmek we biologik dürlüligi gorap saklamak ugrunda alnyp barylýan işleri belledi. Şeýle hem tokaý zolaklaryny giňeltmegi göz önünde tutýan 2026—2030-njy ýyllar üçin Milli tokaý maksatnamasy görkezildi.
Duşuşyga gatnaşyjylar ýurduň ekologiýa kanunçylygyny kämilleşdirmek meselelerine aýratyn üns berdi.
