Entertainment Weekly žurnaly “Mortal Kombat 2” atly hyýaly boýewigiň ilkinji kadrlaryny çap etdi. Filmiň dünýä kinoteatrlarynda ilkinji görkezilişi 24-nji oktýabrda meýilleşdirilýär.
Film Mortal Kombat faýting-oýunlarynyň meşhur seriýasyna esaslanýar. 1995-nji ýylda Pol U.S. Andersonyň režissýorlyk etmeginde onuň “Gazaply darkaş” atly film wersiýasy çykdy.
Täze film 2021-nji ýylda çykan has soňraky ekranlaşdyrmanyň dowamy bolar. Birinji bölümi dünýäde 84 million dollar gazanypdy.
Sikwelde Karl Urban (Jonni Keýjiň keşbinde), Lýuis Tan (Koul Ýangyň keşbinde), Hiroýuki Sanada (Içýanyň keşbinde), Tadanobu Asano (Raýdeniň keşbinde), Adelin Rudolf (Kitananyň keşbinde) we Tati Gabriel (Jeýdiň keşbinde) dagy surata düşdi.
Režissýory ýene-de birinji bölüme režissýorlyk eden Saýmon Makkuoýd boldy. Edebi esasyny "Aý rysary" taslamasy bilen tanalýan Jeremi Sleýter ýazdy.
