18-nji martda Türkmenistanyň Türkiýedäki ilçisi M.Işangulyýew «TRT Avaz» teleýaýlymynyň başlygy Ýüjel Kylyçkaýa bilen duşuşdy.
Duşuşygyň barşynda Türkmenistanyň degişli edaralary bilen «TRT Avaz» teleýaýlymynyň arasyndaky gatnaşyklary mundan beýläk ösdürmek meseleleri maslahatlaşyldy.
Türkmenistanyň hemişelik Bitaraplygynyň şanly 30 ýyllygynyň bellenilip geçilmegi hem-de «Halkara parahatçylyk we ynanyşmak ýyly» mynasybetli ýörite telegepleşikleriň we rubrikalaryň taýýarlanylmagy boýunça pikir alşyldy.
