DeepSeek çat-botunyň täsiri güýçli we çykdajyly ýaryşa badalga bermek bilen, emeli aň bazaryny üýtgedýär. Bloomberg Intelligence analitikleri 2032-nji ýyla çenli tehnologiýa ägirtleriniň EA ulgamlaryna we hasaplaýyş infrastrukturasyna ýylda azyndan 525 mlrd dollar sarp etjekdigini çaklaýar.
2025-nji ýylda Microsoft, Amazon we Meta Platforms ýaly iri kompaniýalar hasaplaýyş infrastrukturasyna 371 mlrd dollar maýa goýar, bu bolsa geçen ýylkydan 44% köpdür. 2032-nji ýyla çenli bu mukdar 525 mlrd dollara çenli artar.
Hünärmenler bazarda DeepSeek dil modelleri peýda bolanyndan soň, bu çykdajylaryň has tiz artýandygyny belleýär. Maýa goýumlar pikir ýöredýän emeli aňa geçer. 2025-nji ýylda modelleriň okadylmagy işläp düzüjileriň çykdajylarynyň 40%-ini alar, ýöne 2032-nji ýyla çenli bu görkeziji 14%-e çenli azalar. Şol bir wagtyň özünde, pikir ýöredýän EA ähli maýa goýumlaryň ýarysyny özüne çeker.
DeepSeek-iň netijeliligi enjamlara bolan islegi azaldyp bilerdi, ýöne pikir ýöredýän EA-nyň ösüşi maliýe serişdelerini başgaça paýlar. Esasy çykdajylar okatmakdan ulanylyşa geçer.
Şol bir wagtyň özünde, öz çipleri bolan Google korporasiýasy täze şertlerde işlemäge çalt geçip biler, ýöne Nvidia-nyň çiplerine garaşly bolan Microsoft we Meta ýaly kompaniýalara bazardaky üýtgeşmelere uýgunlaşmak has kyn düşer.
