Koreýaly režissýor Pon Jun Honyň “Mikki 17” filmi 25-nji martda, ýagny kinoteatrlardaky premýerasyndan bary-ýogy 18 gün soň sanly platformalarda elýeterli bolar. Bu barada When To Stream habar berýär.
Bu taryhda iň gysga kinoteatr prokatlarynyň biridir. Onuň şeýle ir onlaýn çykmagynyň sebäbi gowşak girdeji bilen baglanyşykly: ilkinji dynç günleri film 118 mln dollar býujet bilen bary-ýogy 43 mln dollar gazandy. Warner Bros. filmi derrew akym platformalaryna geçirmek bilen ýitgini azaltmak kararyna gelen bolmaly.
“Mikki 17” – geljek barada film bolup, onda klonirlenen adamlar täze planetalary kolonizirlemäge kömek edýär. Baş gahryman Mikki nätanyş dünýäni öwrenmäge gidýär we ýitýär. Ýöne oňa her ölüminden soň gaýtadan klonirleme garaşýar.
Film Edward Eştonyň “Mikki-7” ylmy-fantastiki romanyna esaslanýar.
Filmde baş keşpleri Robert Pattinson, Mark Ruffalo, Stiwen Ýon we Toni Kollett ýerine ýetirdi.
